Flash News

Aksident në aksin Shkodër–Muriqan, dy të plagosur

Irani hakmerret ndaj SHBA-së, sulmon me raketa bazën ajrore amerikane në Katar

KPA lë në fuqi shkarkimin e prokurorit Çlirim Sino

Abuzim me tendera dhe falsifikim dokumentesh, GJKKO jep dënimet për 4 ish zyrtarët e Kurbinit (EMRAT)

Gjendet i pajetë një 70-vjeçar në lumin Buna

E-TJERA

Zgjedhjet, Lela: Kjo që ka ndodhur kërcënuese për fatin e të ardhmes së Shqipërisë

Politiko 15 Maj 2025, 16:30

Zgjedhjet, Lela: Kjo që ka ndodhur kërcënuese për fatin e

Drejtori i komunikimit në PD, Alfred Lela, ka komentuar në Syri tv, masakrën zgjedhore që është bërë nga Edi Rama Rama më 11 maj.

Lela është shprehur se vota është trafikuar dhe kjo nuk është hera e parë që Rama e bënë këtë veprim.

Alfred Lela: Vota është trafikuar, masakruar. Patronazhuar. Janë të gjithë ato pamje shumë të qarta të Vorës, të Tiranës. Në jug në veri në të gjithë cepat, një patronazhim sistemik, një intimidim  po ashtu sistemik.

 Por jo vetëm ajo që ka ndodhur në terren por edhe ajo që sipas meje është edhe me rëndë është interferenca, ndërhyrja shtetërore për ta joshur për ta blerë votën dhe zoti Rama është aktor kryesor në këtë, kujtojmë që vetëm dy ditë para ditës së zgjedhjeve, ditës së votimit, ai ofroi një amnisti të gjerë për kategori të shumta të popullsisë, pra fali gjoba, fali fatura. Është diçka që ndalohet me ligj. Nuk është hera e parë që Edi Rama e bën këtë.

 E ka bërë disa herë. Herën e fundit në zgjedhjet lokale të para dy viteve dhe arsyetimi i asaj kohe ishte se nuk i ndalohej kryeministrit në zgjedhjet lokale. E bëri prapë në zgjedhjet e përgjithshme dhe sërish nuk ju ndalua. Kjo flet për përfshirje, për kthimin e pushtetit në funksion të patronazhimit të votave për hir dhe favor të partisë në pushtet që është Partia Socialiste dhe Rama. Kjo është vetëm një pjesë e pamjes.

 Sepse OSBE-ODIHR e ka pasqyruar, e ka koncentruar një pjesë të asaj që ka ndodhur në raportin e ndërmjetëm. Presim edhe raportin paraprak i cili duke i shtyra edhe këto që kanë ndodhur gjatë këtyre dy –tre  ditëve të numërimit do ta bëjnë edhe më të errët panoramën e asaj që është Shqipëria e Edi Ramës në Zgjedhje e cila po sipas Edi Ramës do të plotësoje, kriteret, kushtet për tu anëtarësuar në BE.

Marku: Duke ju referuar votave nominale disa janë denoncuar nga PD si të suportuar nga bandat kriminale. Pra pretendimi i PD i provua me votë. U gjetën votat në kuti.

Alfred Lela: Ky është një mekanizëm i ngritur në sistem tashmë. Dhe kjo është ajo çka e bën kërcënues. E bën kërcënues sistemin për këto zgjedhje por e bën kërcënues edhe për atë që po ndodh për vetë fatin e së ardhmes së Shqipërisë në një sistem demokratik, ku ta themi e rithemi, zemra e të cilit është gara e barabartë.

 Vrasja e garës së barabartë, e çon vendin në drejtime të pasigurta dhe ne këtu do të jemi për ta dëshmuar këtë. Sigurisht nuk është alarmi i opozitës për humbjen, por duhet të jetë mendoj unë alarmi i gjithkujt për atë se ku po shkon vendi. Nuk e kap asnjë logjikë që një parti që qeveris 12 vjet me skandale të panumërta me korrupsion të dëshmuar në shqip dhe ne gjuhët të huaja.

 Nga përgjime të ndërkombëtarëve të publikuara edhe në shqip por edhe nga media të huaja të pasqyruara gjerësisht. Me një incenerator të Tiranës që ka marrë qindra milionë euro por nuk ekziston, ta rrisë volumin dhe pelqyeshmërinë, Kjo nuk ndodh askund sepse nuk mund te ndodhë. Ka ndodhur në Shqipëri. Partitë i konsumon pushteti....

Të fundit