Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Mashtrimet me ‘Call Center-a’, mega-operacion në 8 shtete, Policisë i shtohet një strukturë e posaçme

Politiko 10 Nëntor 2022, 14:03

Mashtrimet me ‘Call Center-a’, mega-operacion në 8 shtete,

Një megaoperacion ndërkombëtar i drejtuar nga EUROJUST ka shkatërruar një grup kriminal që mashtronin përmes kriptovalutave.

Pjesë e operacionit ishte edhe SPAK. Gjatë operacionit në disa ‘Call Center-a’ në Shqipëri janë vënë në pranga 4 persona, pas kontrollit të ushtruar në 11 ambiente, ndërsa 6 u shpallën në kërkim.

Drejtuesi i SPAK, Arben Kraja, ka dhënë detaje nga megaoperacioni i shtrirë në 8 shtete. Kraja u shpreh se ka qenë një hetim i cili zgjati më shumë se 1 vit dhe rezulton të jetë një skemë abuzive.

Kraja i bëri thirrje shqiptarëve të jenë vigjilentë dhe të mos përfshihen në aktivitetin e ‘Call Center-ave’.

“Prokuroria e Posaçme, SPAK në bashkëpunim me Drejtorinë e Përgjithshme të Policisë së Shtetit, ka më shumë se një vit që heton në mënyrë proaktive, një skemë abuzive të një grupi të organizuar kriminal, në fushën e mashtrimit me kriptomonedha. Hetimet kanë qenë të përbashkëta, ku janë përfshirë 8 shtete, Suedinë, Shqipërinë, Finlandën, Gjeorgjinë, Gjermaninë, Letoninë, Spanjën dhe Ukrainën. Jemi të ndërgjegjshëm dhe të vendosur për t’i hetuar këto lloje aktivitetesh kriminale në bashkëpunim me autoritetet e huaja. I bëj thirrje shtetasve shqiptarë që të mos përfshihen në të tilla vepra kriminale”, tha Kraja.

Drejtori i Përgjithshëm i Policisë së Shtetit, Muhamet Rrumbullaku, tha se në fillim të vitit të ri Policisë së Shtetit do t’i shtohet një strukturë e posaçme e cila do të rekrutojë punonjës që mbështesin të gjithë profilin profesional.

“Pavarësisht se për mua është hera e parë që ne dalim bashkërisht në këtë ambient, për të prezantuar një punë të suksesshme s’është hera e parë që takoj krerët e saj. Që kur erdha në krye të policisë së shtetit u zotova të lë një klimë të pastër, pa korrupsion etj. Sikurse është dhe ky operacion i vështirë që realizuam, jetojmë një kohë të vështirë globalizimi dhe ka bërë që krim të gjejë shtrirje kapilare në gjithë botën. Fillimi i vitit që vjen të na gjejë me një strukturë të posaçme . Në këtë strukturë parashikojmë të rekrutojmë punonjës që të mbështesin të gjithë profilin profesional. Situata me sulmet kibernetike, na imponoi të trajtojmë krimin kibernetik me prioritet, për të krijuar strukturë të re”, tha Rrumbullaku.