E-TJERA

Mashtrimi i sanitares/ Spitali “Shefqet Ndroqi” distancohet nga akti: Nuk mund të njollosë punën e personelit

Mashtrimi i sanitares/ Spitali “Shefqet Ndroqi” distancohet nga
Spitali “Shefqet Ndroqi”

Spitali “Shefqet Ndroqi” ka reaguar për skandalin e publikuar një ditë më parë, ku sanitarja mashtronte se ishte infermiere për të përdituar para.

Duke e dënuar ashpër aktin ç’njerëzor siç thuhet në njoftimin zyrtar, spitali “Shefqet Ndroqi” thotë se ky rast shëmtuar nuk mundet kurrsesi të njollosë punën e personelit shëndetësor.

Gjithashtu i kërkon autoriteteve kompetente të kryejnë hetimin deri në fund të këtij rasti.

“Ky akt i shëmtuar dhe i papërgjegjshëm nuk mundet kurrsesi të njollosë punën vetëmohuese dhe të jashtëzakonshme të personelit shëndetësor të spitalit “Shefqet Ndroqi”. Personeli shëndetësor i spitalit duke u distancuar nga ky veprim do të vazhdojë të ofroj me përkushtim shërbimin shëndetësor në kohë dhe me cilësi”, thuhet ndër të tjera në reagim.

Ditari politik

Të fundit