Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Mashtruan klientët, në pranga 2 punonjës të një agjencie turistike në Tiranë

Politiko 1 Tetor 2024, 14:09

Mashtruan klientët, në pranga 2 punonjës të një
Dy të rinj, 22-vjeçari K. K. dhe 24-vjeçari R. H., të dy banues në Tiranë, janë arrestuar nën akuzën e mashtrimit në bashkëpunim, fshehjes së të ardhurave dhe mospagimit të taksave dhe tatimeve.

Ata akuzohen se kanë mashtruar klientët e agjencisë së udhëtimit ku punonin, duke përvetësuar një shumë prej 15 mijë eurosh.

Dyshohet se të arrestuarit u kanë marrë paratë klientëve për rezervime biletash vajtje-ardhje dhe për akomodim, por në fakt kanë blerë vetëm biletat e vajtje.

Njoftimi i policisë: 

Finalizohet operacioni policor i koduar “Travel”, nga Sektori për Hetimin e Krimeve Ekonomike dhe Financiare.

Ndalohen 2 shtetas, punonjës të një agjencie turistike, pasi dyshohet se kanë përfituar rreth 15 000 euro, duke mashtruar klientët e agjencisë.

Specialistët e Sektorit për Hetimin e Krimeve Ekonomike dhe Financiare në DVP Tiranë, në vijim të punës për goditjen e krimeve ekonomike dhe financiare, kanë organizuar dhe finalizuar operacionin policor të koduar “Travel”. Si rezultat i operacionit u ndaluan shtetasit:

K. K., 22 vjeç, dhe R. H., 24 vjeç, të dy banues në Tiranë, për veprat penale “Mashtrimi”, kryer në bashkëpunim, “Fshehja e të ardhurave” dhe “Mospagimi i taksave dhe tatimeve”, parashikuar nga nenet 143/2-25, 180 dhe 181 të K. P.

Këta shtetas dyshohet se kanë mashtruar klientë të agjencisë së udhëtimit ku ishin të punësuar, pasi iu kanë marrë atyre paratë për rezervimin e biletave për vajtje, ardhje dhe për akomodim në hotel, por kanë blerë vetëm biletën për vajtje në destinacion. Materialet procedurale i kaluan Prokurorisë.

Të fundit