Flash News

Video/ Konflikti i dhunshëm në Ksamil, dy biznesmenët u përleshën për çadrat e plazhit

Kurti dhe Limaj takohen, s’dihet nëse kanë arritur ujdi për krijimin e institucioneve

Dhunohet pronari i një hoteli në Ksamil, arrestohet autori

Ra në kontakt me energjinë elektrike, humb jetën 32-vjeçari në plazhin e Shëngjinit

Sherr për pronën në Tushemisht, 4 persona rrihen mes tyre me sende të forta, mes tyre edhe kryeplaku

E-TJERA

Matura Shtetërore/ Sot provimi për lëndët me zgjedhje, i fundit për këtë vit

Politiko 24 Qershor 2025, 08:53

Matura Shtetërore/ Sot provimi për lëndët me zgjedhje, i

Mbi 27 mijë maturantë do t’i nënshtrohen ditën e sotme provimit të fundit, atij të lëndëve me zgjedhje, në varësi të profilit të ndjekur gjatë shkollës së mesme.

Lëndët e përfshira në këtë provim janë të ndara në disa fusha: Shkencat e Natyrës (Kimi, Fizikë, Biologji), Shkencat Shoqërore (Histori, Gjeografi, Qytetari dhe Psikologji, Filozofi, Sociologji), si dhe Ekonomia dhe Artet (Ekonomi, Histori Arti, Histori Muzike, Histori Baleti).

Provimi do të zhvillohet në ambientet e shkollave të mesme që plotësojnë kushtet e përcaktuara në Rregulloren e Maturës Shtetërore.

Nxënësit duhet të paraqiten në orën 08:30, ndërsa provimi nis në orën 10:00 dhe përfundon në 12:30.

Ministria e Arsimit ka përcaktuar një sërë rregullash për zhvillimin e provimit. Të gjithë maturantët duhet të kenë me vete mjet identifikimi (kartë ID ose pasaportë) dhe të jenë të veshur në mënyrë të rregullt, preferohet me uniformën e shkollës.

Gjatë provimit ndalohet përdorimi i telefonave celularë, orëve inteligjente (smart) dhe çdo pajisjeje tjetër teknologjike. Testi duhet plotësuar me stilolaps me një ngjyrë të vetme dhe maturantët janë të detyruar të firmosin në momentin e marrjes dhe dorëzimit të testit. Maturantët nuk lejohen që të largohen nga sallat e provimit para orës 12:30.

Me këtë provim përmbyllet zyrtarisht cikli i Maturës Shtetërore për vitin 2025. Më herët maturantët i janë nënshtruar provimit të Gjuhës së huaj, Gjuhës Shqipe dhe Letërsisë, si dhe të Matematikës, ku për dy të parat kanë dalë edhe rezultatet.

Ashtu si edhe në vitet e kaluara, testi i provimeve është publikua në rrjet, teksa maturantët ishin ende duke zhvilluar provimin, por Ministria e Arsimit është justifikuar me pretendimet se kjo gjë nuk e dëmton procesin.

Të fundit