Mbërrijnë 10 mijë vaksina ruse, dhuratë nga Emiratet e Bashkuara Arabe; Rama: Priten sasi të konsiderushme dozash

Foto ilustruese

Ditën e sotme në vendin tonë kanë mbërritur 10 mijë vaksina ruse Sputnik V. Ministrja e Shëndetësisë Ogerta Manastrirliu dhe ai i Shtetit për Rindërtimin Arben Ahmetaj, të dy të autorizuar për sigurimin e vaksinës, ishin në aeroportin Nënë Tereza, ku kanë pritur sasinë e radhës së vaksinave.

"Menjëherë do të shkojnë në ISHP për të gjitha procedurat, më pas do të vijojmë dhe me fillimin e procesit të vaksinimit. Ndërkohë që procesi i vaksinimit po vijon, pas mësuesve dhe të moshuarve do të shtrijmë edhe më gjerë vaksinimin me vaksinat e tjera në vijim. Do të vijojmë përpjekjen që të sigurojmë akoma më shumë vaksina. Të parapërgatitemi  për në verë më të lehtësuar dhe sigurisht edhe për turizmin në muajit në vijim", tha Manastriliu.

10 mijë dozat janë dhuratë nga Princi i Kurorës së Emirateve të Bashkuara, Muhammed Bin Zayed për Shqipërinë. Kryeministri Edi Rama përmes një postimi në Facebook, bëri me dije se së shpejti pritet të vijnë vaksina të tjera anti-Covid.

"Së shpejti shuma të konsiderueshme vaksinash të tjera do të pasojnë, duke na krijuar mundësinë të rrisim fuqishëm numrat e vaksinimeve ditore, për të dalë së shpejti nga tuneli i gjatë i kësaj lufte të egër", tha Rama.

Më herët, iu hapë rruga marrjes së vaksinave ruse dhe kineze. Përmes një Akti Normativ, Manastirliu dhe Ahmetaj iu është dhënë mundësia të negociojnë me vende që prodhojnë vaksina.

Ndërkohë, në një deklaratë për mediat nga Lezha disa ditë më parë, kryeministri Rama la të hapur mundësinë për marrjen e vaksinave ruse. Ai tha se nëse BE do të ndryshojë qasje për vaksinat lindore, atëherë dhe Shqipëria do të rishikojë pozicionin e saj.

“Përsa i përket vaksinave lindore, ruse apo kineze asnjë paragjykim për aspektet shkencore, respekt për shkencëtarët, por zgjedhja jonë është të kërkojmë vaksina në krahun perëndimor të Shqipërisë. Nëse BE do të hapet ndaj vaksinave kineze dhe ruse, ne do të rishikojmë qasjen. Përsa kohë BE është e mbyllur ndaj këtyre vaksinave, ne jemi në krah të tyre”, u shpreh Rama.

Prej 11 janarit, kur nisi dhe procesi janë vaksinuar 46,515 persona,  personel shëndetësor, të moshuar dhe mësues.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm