Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Mbështeti në FB protestat për Klodianin, thirret në polici gazetarja e njohur: Provokim qesharak që s’më tremb

Politiko 14 Dhjetor 2020, 18:58

Mbështeti në FB protestat për Klodianin, thirret në polici

Gazetarja e njohur Desada Metaj ka treguar përmes rrjeteve sociale se si u thirr në komisariat, pasi ka mbështetur në Facebook protestat e zhvilluara ditët e fundit për vrasjen e Klodian Rashës nga një polic.

Metaj shkruan me emra se si i plotfuqishmi i lagjes dhe shefi i krimeve i kishin kërkuar të paraqitet në komisariatin nr 2 , për ta pyetur rreth protestës.

Gazetarja pohon se gjatë këtyre ditëve ka komentuar ngjarjet në FB e saj personal dhe e cilëson këtë rast si provokim qesharak .

“Sot rreth orës 14.00, Edison Visha, i plotfuqishmi i lagjes time (pranë presidencës) ka mbërritur pranë banesës së prindërve të mi dhe u ka kërkuar që të paraqitem pranë komisariatit nr 2 sepse do më pysnin lidhur me thirrjet për protestë të paligjshme. Meqë nuk kam qenë në shtëpi në atë orë, ka lënë një numër telefoni me të cilin kontaktova sapo prindërit më njoftuan.

Nga ana tjetër e telefonit m’u përgjigj shefi i krimeve të rajonit nr 2 Ledio Lushka që më kërkoi të shkoja në komisariat. Sipas tij duhej të më pyeste për diçka që s’mund ta bënte në telefon. Meqë unë besoj ende se shteti funksionon me letra dhe jo me FB, i kërkova të më dërgonte një ftesë zyrtare për t’u paraqitur në komisariat. Gjatë këtyre ditëve thjesht kam komentuar ngjarjet në FB tim personal dhe më vjen mirë që veç drurit, forcat Shqiponja dhe disa segmente të policisë  paskan patur dhe mendje dhe kohë për të më ndjekur.

Për çdo rast ky provokim qesharak në dhimbje as më tremb dhe as më ligështon. Madje as familjen time që thjesht tallen me këtë akt qesharak. Personalisht më dhimbsen këta mercenarë të pushtetit se ç’janë në gjendje të bëjnë për ti treguar shef Ardit se janë të zellshëm.

P.s. Për fat të keq nuk kam qenë në asnjë proteste të ditëve të fundit. Por vazhdoj të mbështes çdo formë proteste kundër regjimeve policore”, shkruan gazetarja.

Të fundit