Mbetet i lartë numri i jetëve të humbura, viktimat nga mosha 22-87 vjeç; 777 raste të reja me Covid-19

Mbetet i lartë numri i jetëve të humbura nga koronavirusi në vendin tonë. Në 24 orët e fundit janë regjistruar sërish 21 humbje jete. Viktimat janë nga mosha 22-87 vjeç.

Kështu bën me dije ministria e Shëndetësisë, ndërsa shton se nga 3308 testime të kryera kanë rezultuar pozitiv 777 raste të reja.

Më shumë se 300 raste janë regjistruar në Tiranë, e cila ndiqet nga Durrësi, Berati dhe Shkodra. Gjithashtu janë shëruar 742 qytetarë, duke e çuar numrin e përgjithshëm të tyre në 74,352 që nga fillimi i epidemisë.

MSH bëri me dije se në 24 orët e fundit janë kryer 1110 vaksinime, ndërsa në total 19,357.

Sakaq, aktualisht në spitalet covid në Tiranë dhe tre spitalet rajonale po trajtohen 639 pacientë, 35 në terapi intensive, nga të cilët 7 janë të intubuar.

Statistika (6 Mars 2021)

Raste të reja ditore       777

Të shëruar në 24 orë     742

Të shtruar në spitale      639

Humbje jete në 24 orë   21

Testime ditore               3308

Testime totale          485,764

Raste pozitive          112,078

Raste të shëruara       74,352

Raste Aktive              35,808

Humbje jete               1,918