Flash News

Zbulohet skema mashtruese online, AKSK apel qytetarëve: Si duhet të mbroheni

Imami Ahmed Kalaja rrezikon deri në 3 vite burgim, akuzohet për pengim të drejtësisë

Lëndë piroteknike pranë Universitetit Politeknik, policia sekuestron materialet dhe nis hetimet

Të shtëna në Allias, 31-vjeçari qëllohet nga komshiu, autori zhduket pas ngjarjes

Posta e mëngjesit/ Me 2 rreshta: Çfarë pati rëndësi dje në Shqipëri

E-TJERA

‘Mbi 100 raste më sëmundjen e sifilizit në vend’/ Mjekët: Më të prekur janë meshkujt, me moshën 20-40 vjeç

Politiko 8 Qershor 2025, 17:49

‘Mbi 100 raste më sëmundjen e sifilizit në vend’/

Sifilizi, një nga sëmundjet infektive kërcënuese për jetën, po përhapet me shpejtësi në grupmoshat seksualisht aktive dhe kryesisht tek meshkujt.

Infeksionisti klinicist Arjan Harxhi, tha se me këtë sëmundje deri tani në vend janë regjistruar mbi 100 veta , dhe sipas tij, 95% e tyre janë meshkuj kryesisht të moshës 20-40 vjeç.

Harxhi shtoi se antibiotiku kryesor i këtij infeksioni nuk është në listën e barnave të rimbursueshme dhe as i regjistruar pranë Qendrës së Kontrollit të Barnave.

“Nga një studim që kemi bërë janë mbi 100 raste të reja që janë ndjekur pranë shërbimit infektiv, kryesisht tek pacientët që kanë edhe HIV. Haset masivisht të meshkujt, mbi 95 % të rasteve. Grupmosha më e prekur është 20-40 vjeç. Është një situatë e rëndë pasi një sifiliz në shtatzëni mund të ketë pasoja të rënda tek fëmija që shkon nga aborti deri tek deformimet e lindura. Mjafton vetëm një rast i një gruaje shtatzënë me sifiliz që të shërbejë si zile alarmi. Benzatine-peniciline, që është antibiotiku kryesor që trajton këtë infeksion, duhet të jetë më i disponueshëm, pasi nuk është i pranishëm as në listën e barnave të rimbursueshme dhe as i regjistruar pranë Qendrës së Kontrollit të Barnave, por ka qenë i disponueshëm falë importit me leje”, Harxhi.

Situata e re e krijuar nga kjo sëmundje, dikur e zhdukur, kërkon, sipas mjekëve, strategji të reja në diagnostikim dhe trajtim. Në të kundërt, pasojat me këto ritme infektimesh do të shtohen, me kosto të larta për jetën.

Të fundit