E-TJERA

Mblidhen anëtarët e Gjykatës Kushtetuese/ Çështjet që do të shqyrtohen, nga zgjedhjet lokale te shembja e TK

Mblidhen anëtarët e Gjykatës Kushtetuese/ Çështjet
Gjykata Kushtetuese

Ditën e sotme anëtarët e Gjykatës Kushtetuese do të mblidhen për të diskutuar mbi ndarjen e disa çështjeve.

Pritet që diskutimet të fokusohen te zgjedhjet lokale, shembja e Teatrit Kombëtar, si dhe te padia e ngritur nga qeveria për presidentin Ilir Meta.

Gjithashtu do të diskutohet edhe për caktimin e kryetarit të kësaj gjykate.

Gjykata Kushtetuese ka kuorumin e duhur për të shqyrtuar çështje dhe marrë vendime. Ajo u bë funksionale në fund të dhjetorit të 2020.

Kjo gjykatë përbëhet nga 7 anëtarë .Tre prej tyre janë zgjedhur nga Presidenti (Marsida Xhaferllari, Përparim Kalo dhe Sonila Bejtja) dhe Kuvendi (Fiona Papajorgji, Elsa Toska dhe Altin Binaj)

Ndërkohë kryetarja në detyrë është Vitore Tusha, të cilës i ka mbaruar mandati. 

Në Kushtetuese janë depozituar një sërë çështjesh që presin verdiktin e kësaj gjykate. Prej tre vitesh Gjykata Kushtetuese në Shqipëri nuk funksionon për shkak të shkarkimit të anëtarëve nga procesi i Vettingut.

Ditari politik

Të fundit