“Mbroni njerëz të korruptuar”/ Felaj ‘sulmon’ gazetaren, Mejdini: Jeni në hall nga SPAK; Ndreca: Kujdes kur flet

Inspektimi i inceneratiorëve të Fierit dhe Elbasanit ka ndezur debate në studio mes medies dhe përfaqësuesve të qeverisë.

Në studion e “Opinion”, gazetarja Fatjona Mejdini, deputetja socialiste Ermonela Felaj dhe Plarent Ndrecës u përfshinë në një diskutim që eskaloi në debat dhe akuza. Fillimisht, debati ka nisur mes Mejdinit dhe Felajt, kur kjo e fundit e kundërshtoi gazetaren duke e akuzuar se informacionet që po jepte lidhur me inceneratorin e Fierit ishin të pavërteta.

Sipas deputetes, fusha për të cilën Mejdini deklaronte se ishte në Mbrostar të Fierit, në fakt kishte një tjetër vendndodhje . Nga ana tjetër, Mejdini u shpreh se Fieri ishte qyteti i saj i lindjes dhe kishte mjaftueshëm informacion për të pohuar se inceneratori nuk ishte funksional.

Felaj: Tregon profesionalizimin e profesionit që flet. Merr përsipër të shpjegojë një gjë që nuk e di. Që është dhe nga Fieri dhe nuk e di. Flet për një gjë që ti nuk e di.

Mejdini: Zonjë, po bëheni qesharake para një publiku të gjerë.

Felaj: Çfarë domethenë nuk është funksional? Çfarë nuk bëhet?

Mejdini: Nuk digjen mbetje

Felaj: Është në kolaudim dhe s’ka mbaruar afati i kontratës. Është funksional për një pjesë të gjerave.

Teksa gazetarja po shpjegonte grumbullimin e mbeturinave në landfill, Mejdini përmendi fushën e Mbrostarit ku depozitoheshin mbetjet e cila në korrik të vitit të kaluar, u përfshi nga zjarri për shkak të temperaturave të larta. Zjarri shkaktoi edhe ndotje të mjedisit nga tymi toksik që çliruan mbetjet, të cilat do të duhej të ishin duke u përpunuar në incenerator.

Në debat u përfshi edhe Plarent Ndreca, fill pasi gazetarja deklaroi se të dy ishin të firkësuar pasi mbronin njerëz të korruptuar, Ndreca i kërkoi gazetares të ketë kujdes kur flet dhe me kë flet, pasi mund t’i provonte të kundërtën e deklaratave të saj.

Felaj: Është e tmerrshme. Fushën e kë në Fier dhe thua në Mbrostar. Është e tmerrshme, moj nuk e ke idenë. Të dëgjosh pohime të këtij niveli. Ti s’e kupton ku bie Shqipëria.

Mejdini: Të lutem pusho moj zonjë. Po më sulmon tani. 28 milionë para nga buxheti i shtetit janë dhënë për të krijuar energji jo për të hapur gropë e për të dhënë landfill

Mejdini: Moj zonjë, a e dini ju fushën e Mbrostarit në Fier. Më vjen keq se ju jeni përfaqësuese e shtetit nuk duhet të vini me këtë nivel të ulët përgatitjeje. Ju jeni një njeri që keni halle se ka nisur SPAK hetimet. Këtë hall keni ju. Sepse mbroni njerëz të korruptuar.

Ndreca: Goce, kujdes kur flet se ta provoj tani se je qesharake. Dhe ki kujdes kur flet se i ke kaluar.