Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Mbyllet marrëveshja me Britaninë, 200 shqiptarë të dënuar do të transferohen në Shqipëri brenda 2 vitesh

Politiko 24 Maj 2023, 09:29

Mbyllet marrëveshja me Britaninë, 200 shqiptarë të

Ministria e Drejtësisë në Shqipëri ka konfirmuar arritjen e marrëveshjes mes Shqipërisë dhe Britanisë së Madhe, për deportimin e shqiptarëve të dënuar nga qeveria britanike.

Sipas marrëveshjes, shqiptarët e dënuar në Britani prej 4 apo më shumë vite, do të kthehen në Shqipëri për të vuajtur dënimin e mbetur. Bëhet fjalë për ata shqiptarë që aktualisht vuajnë dënimin në burgjet e Uellsit dhe të Anglisë.

Siç njofton Ministria e Drejtësisë, pala britanike do të paguajë kostot e strehimit të ët burgosurve përgjatë kohëzgjatjes së dënimit.

“Në vijim të komunikatës së përbashkët të nënshkruar nga Kryeministri shqiptar Edi Rama dhe Kryeministri britanik Rishi Sunak në dhjetor 2022, si dhe pas diskutimeve që dy liderët zhvilluan në Londër në mars 2023, Shqipëria do të fillojë implementimin e marrëveshjes për transferimin e të burgosurve.

Kështu, 200 të burgosur shqiptarë në burgjet e Anglisë dhe Uells që vuajnë dënime prej katër vjetësh ose më shumë do të kthehen në dy vitet e ardhshme për të kryer pjesën e mbetur të dënimit në burgjet shqiptare.

Falë marrëveshjes, pala britanike do të paguajë kostot e strehimit të të burgosurve për gjatë gjithë kohëzgjatjes së dënimit të tyre në vendin tonë dhe Shqipëria do të mund të rrisë investimet për përmirësimin e mëtejshëm të kushteve në sistemin e burgjeve.

Ndërkohë që u japim mundësinë të dënuarve shqiptarë në Britaninë e Madhe, të shlyejnë pjesën e mbetur të dënimit pranë familjeve të tyre, Shqipëria do të mund të fuqizojë edhe më tej kapacitetet e sistemit penitencia”, njofton ministria.

Të fundit