Flash News

Maturanti 74-vjeçar merr diplomën e maturës, ja nota që mori në provimin e anglishtes

Federata Serbe zbulon stadiumin ku do të presë Shqipërinë më 11 tetor!

I mbijetoi tragjedisë ajrore, 40-vjeçari: Kur hapa sytë pashë trupa njerëzish gjithandej, më pas…

Matura Shtetërore 2025, publikohen notat e provimit të gjuhës së huaj

Video/ Ky është momenti kur rrëzohet avioni i Air India me 242 persona në bord

E-TJERA

"Planin e thuri Laerti"/ Tafani rrëfen atentatin ndaj Kujtim Metës: E qëllova me 8 fishekë...

Politiko 11 Qershor 2025, 13:21

"Planin e thuri Laerti"/ Tafani rrëfen atentatin ndaj Kujtim

I penduari i drejtësisë, Artan Tafani, vijon me dëshminë e tij në GJKKO, për krimet e kryera. Tafani ka rrëfyer ndër të tjera edhe si realizoi atentatin ndaj Kujtim Metës.

Ai thotë se atentatin e ka realizuar në bashkëpunim me Laert Haxhiun dhe shokët e këtij të fundit. Ai tregon se Kujtim Metën e kishin qëlluar pasi kishte dhunuar babain e Laertit. Tafani tregon se ishte Laerti ai i cili e kishte thurur planin, ndërsa vetë Tafani do ta vendoste në zbatim.

"E kishte hapur si muhabet babai i Laertit. Edhe tha ta vrisnim. E kishte rrahur me grushte babanë e Laertit. Kërkonte ta vriste me thikë se po të ishte me plumb, do kuptohej që e kishte bërë Laerti. Kishte ardhur Dorian Shurdhi, një i njohuri jonë, shoku i Laertit nga Belgjika. Doriani ruante makinën dhe komunikonte me Laertin. Laerti e kishte bërë planin, do veja unë ta godisja.

Do vinte Lulzimi me makinë nga Tirana, te një resort që të bënim punën e të niseshim për Tiranë. Por nuk e bëmë dot. S’e bëmë se nuk donte Dorian Shurdhi. Doriani e dinte që i shkonin direkt te shpia. E shante Laertin, Doriani. Thoshte do na kalbë në burg. E provuam prapë",- ka deklaruar Tafani.

Më tej Tafani ka rrëfyer edhe dinamikën si ka ndodhur krimi, teksa tregon se Kujtimi ishte ulur në një lokal dhe vetë Tafani ka qëlluar me armë drejt tij 8 herë. Ai tregon se kishte veshur maskë Covid dhe kapuç në momentin e ngjarjes. 

"Kujtimi, viktima ishte ulur në një lokal, ngjitur me banakun përballë. Qëllova me armë drejt tij. Sapo godas unë, ky hidhet nga karrigia. Pastaj e qëllova prapë. 8 fishekë që kisha, i qëllova. Ky duke ikur nëpër çimento, unë e qëlloja, sa më mbaruan fishekët. E gjuajta dhe nga mbrapa. Mbaruan fishekët, ika unë. U mundova ta shënjestroj. Mesa dëgjova në lajme e kishte kapur në bark. Ika që aty, kaloj shinat e trenit në këmbë. Aty mbrapa më priste Lulzimi. Kisha maskë covidi, kapuç dhe një xhup të madh. Dalim në autostradë kryesore, ndaluam në Çermë, na bëri me shenjë një patrullë. Nuk ndaluam neve. Gjatë rrugës, unë isha mbrapa, Lulzimi në timon.

Kalojmë Kavajën. Unë po flisja me Laertin, donte të dinte detajet. Po e pyesja se ku të hedhim armët. Më tha hidhini rrugës ku të mundeni, qëlloi që i hodha tek i njëjti vend ku kisha hedhur të Albi Bashaliut",- ka deklaruar Tafani. 

Të fundit