Meçollari tregon kronologjinë e shkeljeve/ Roli i Begajt në dorëzimin e Bazës Detare të Sarandës

Ish-zv/komandanti i Forcës Detare, Artur Meçollari ka publikuar detaje nga kallëzimi në SPAK të Bajram Begaj i akuzuar për “shpërdorim detyre”.

E gjithë kjo vjen pas dyshimit se në kohën kur Begaj ishte Shefi i Shtabit të Përgjithshëm legjitimoi ndaj privatit “dorëzimin” e bazës detare Sarandë dhe keqmenaxhoi pronat e Forcave të Armatosura.

Meçollari sqaron se si major Bajram Begaj kishte rol “kyç” në dorëzimin e Bazës Detare të Sarandës dhe duke lejuar fillimin e investimeve nga kompania private “Marina Bay Saranda”.

Ish-numri dy i Forcave Detaje ka zbuluar kronologjinë e veprimeve dhe shkeljeve të pretenduara që prej 19 gushtit 2020 ku Bajram Begajt legjitimoi dorëzimin e kompanisë private të 4 hektarë të bazës detare të Sarandës.

Për abuzimet me pronat e ushtrisë, SPAK ka marrë në pyetje edhe ish-Shefin e Shtabit të ushtrisë Bardhyl Kollçaku dhe ish-ministren e Mbrojtjes, Olta Xhaçka.

Reagimi i plotë nga Artur Meçollari:

 “Roli i ish-Shefit të Shtabit të Përgjithshëm të FA gjeneralmajor Bajram Begaj në dorëzimin e bazës detare Sarandë dhe në cenimin e gatishmërinë dhe operacionalitetin e Forcës Detare.

Sot, Bajram Begaj është Komandant i Përgjithshëm i Forcave të Armatosura.

Shefi i shtabit të Përgjithshëm të FA në përputhje me ligjin 64/2014 “Për pushtetet dhe autoritetet e drejtimit e te komandimit të Forcave te Armatosura te Republikës së Shqipërisë”, neni 16, pika 3 (d) ka përgjegjësinë për “kontrollin e gatishmërisë luftarake dhe merrë masa për përmirësimin e saj”.

Por me vendim të gjykatës në të tre nivelet, lidhur me “sekuestron preventive” të bazës detare Sarandë, vendim i cili tashmë janë të formë të prerë thuhet ““gjykata çmon parashtrimin e prokurorit se duhet të ndërpritet kryerja e veprimeve të investimit në fushën e turizmit apo dhe ndërtime të tjera nga investitori, mbi pronën nr. 696, për arsye se disponimi lirisht i kësaj prone nga subjektet private cenon gatishmërinë dhe operacionalitetin e Forcës Detare, operacionalitet i cili duhet të vazhdojë të kryhet nga organi kompetent që është Komanda e Forcës Detare, pa ndërhyrje të subjekteve private”.

Ish-Shefi i Shtabit të Përgjithshëm të FA gjeneralmajor Bajram Begaj ishte në dijeni të plotë që baza detare e Sarsndës ishte në Planin e Vendosjes dhe Përhapjes.

Vendimi i Gjykatës së Lartë Nr.00-2023- 1001, datë 15.06.2023 shprehet se “5. Shefi i Shtabit të Përgjithshëm, me shkresën nr. 8530/3 prot., datë 28.12.2021, ka përcjellë informacionin e marrë nga Komanda e Forcës Detare (më poshtë referuar si KFD) në lidhje me statusin e pronës, duke informuar/njoftuar se prona nr. 696, “Baza Ndihmuese” Limion, Sarandë, me sipërfaqe 39.446 m2 është përfshirë në plan-përhapje dhe vendosje të Forcës Detare, miratuar me Dekret të Presidentit të Republikës nr. 8593, datë 17.6.2014”.

Po si përfshihet ish-Shefi i Shtabit të Përgjithshëm të FA gjeneral major Bajram Begaj në dorëzimin e Bazës Detare të Sarandës që lejoi fillimin e investimeve nga kompania private “Marina Bay Saranda” dhe siç shprehet gjykata u cënua gatishmërinë dhe operacionalitetin e Forcës Detare.

Kronologjia e veprimeve:

1. Shkresat nr. 4343/1, datë 19 gusht 2020, të ish-shefi i Shtabit të Përgjithshëm të FA gjeneralmajor Bajram Begaj që i ka kërkuar Forcës Detare ti dorëzojë komanisë “Marina Bay Saranda” pronën prej 26,5 ha, duke përfshirë dhe bazën detare të Sarandës prej 4 ha (prona nr. 696).

2) Shkresa nr. 1619, datë 12 mars 2021, të ish-shefi i Shtabit të Përgjithshëm të FA gjeneralmajor Bajram Begaj që i kërkon Forcës Detare ti dorëzojë komanisë “Marina Bay Saranda” pronën prej 26,5 ha, duke përfshirë dhe bazën detare të Sarandës prej 4 ha (prona nr. 696).

3) Ka lejuar miratimin e Akt Marrëveshjen nr. 4389 prot., datë 10.12.2021 “Për dhënien e aksesit për fillimin e punimeve për ndërtimin e objekteve në interes të Komandës së Forcës Detare dhe lejimin për kalimin e mjeteve dhe të personelit që do të punojë për ndërtimin e dallgëthyesit në pronat në administrim të Komandës së Forcës Detare, Gjiu i Limionit Sarandë”. Firmosur nga ish-Komandanti i Forcës Detare gjeneralbrigade Ilir Xhebexhia.

4) Ka lejuar Amendimin nr. 1, me nr. 724 prot., datë 4.3.2022 të Akt Marrëveshjen nr. 4389 prot., datë 10.12.2021. Firmosur nga Komandanti i Forcës Detare kundëradmiral Adnand Agastra.

5) Ka lejuar nxjerrjrn e urdhërit të Komandës së Forcës Detare nr. 90, datë 12.3.2022, “Për krijimin e komisionit për dorëzimin e pronës nr. 696 (Baza ndihmuese), pronës nr.1271 (objekte të bazës ndihmuese) dhe pronës nr. 1272 (objekte të bazës ndihmuese), Gjiri i Limionit, Sarandë, në prani të administratorëve të shoqërisë Marina Bay Saranda SHPK. Firmosur nga Komandanti i Forcës Detare kundëradmiral Adnand Agastra.

6) Në maj 2021 mjetet e Komandës së Mbështetjes kanë ndihmuar Forcën Detare në largimin e materialeve nga baza ndihmuese Sarandë mbas dorëzimit të saj. Komanda Mbështetëse nuk mund të veprojë në interes të nje komande tjetër pa urdhër të Shefit të Shtabit të Përgjithshëm të FA.

4 qershor 2022, Bajram Begaj zgjidhet President i Republikës.”