Flash News

Numërohen 5 kuti në qarkun e Gjirokastrës, ja si ndahen votat

Hapen 6 kutitë e para për numërim në Kukës

Dalin shifrat nga KQZ: 42.16% e shqiptarëve brenda vendit votuan në zgjedhjet parlamentare

Nis numërimi i votave në Pustec, përfshihen edhe votat e diasporës

Zyra sekrete e patronazhistëve të PS, mes tyre drejtoresha e Agjencisë së Ekselencës

E-TJERA

Media spanjolle jehonë Sylvinhos: Bëri një vesh shurdh ndaj miqve, Shqipëria i shpëtoi karrierën

Politiko 23 Nëntor 2023, 09:23

Media spanjolle jehonë Sylvinhos: Bëri një vesh shurdh ndaj

Kombëtarja shqiptare arriti të kualifikohet në Euro 2023, duke kryesuar Grupin E. Nën drejtimin e Sylvinhos, kualifikimi i Shqipërisë bëri bujë edhe në mediat ndërkombëtare.

Media spanjolle “Sport.es” i ka kushtuar një artikull pikërisht Shqipërisë dhe Sylvinhos.

Ndër të tjera ajo shkruan se Shqipëria i shpëtoi karrierën Sylvinhos, i cili është rikthyer bindshëm në skenë. Artikulli thekson se Sylvinho bëri “një vesh shurdh” ndaj atyre që e këshilluan ta mbante larg emrin e tij nga Shqipëria.

“Karriera në stol e Silvinjos, ish-mbrojtësit të majtë të Barçës, ndali pasi u shkarkua nga Korinthias (klub ku ai ka luajtur edhe si futbollist), në shkurt të vitit të kaluar. Ai e pagoi shtrenjtë paqëndrueshmërinë dhe vetë klubi i mbylli dyert në merkato.

Ai ishte në kërkim të një eksperience të re si trajner i parë pas nxehmjes që bëri si asistent i Roberto Mançinit tek Interi, me Titen në kombëtaren e Brazilit dhe duke pasur një qëndrim të shkurtër te Lioni në Francë ku gjërat nuk funksionuan për të. Federata Shqiptare e Futbollit e thirri atë për ta emëruar trajner, një post, teorikisht, për të qeshur në panoramën e futbollit europian.

Silvinjo bëri një vesh të shurdhër ndaj atyre miqve që e këshilluan të mos e lidhte emrin e tij me Shqipërinë. Ai mori një vendim me rrezikshmëri të lartë, duke pranuar postin në janar të këtij viti… dhe në fund ia doli. Shqipëria do të garojë në fazën finale të Europianit për herë të dytë në historinë e saj.

Ata u kualifikuan në një grup ku favoritë ishin Polonia e Levandovskit dhe Çekia. Imazhi i Silvinjos është riparuar në vendin e tij dhe ai ka fituar besueshmëri ndërkombëtare. Në moshën 49-vjeçare, ai është ende një trajner i ri, studioz, këmbëngulës dhe shumë elastik”, thuhet në artikull.

Të fundit