Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shqipëria bazë e grupeve kriminale pulieze dhe kalabreze për pastrim parash, ku investohen

Politiko 19 Korrik 2022, 20:24

Shqipëria bazë e grupeve kriminale pulieze dhe kalabreze për

Shqipëria po përdoret si bazë për pastrim parash nga grupet kriminale pulieze dhe kalabreze.

Mediat italiane shkruajnë se marrëdhëniet e mafias pulieze dhe kalabreze me ato shqiptare në fushën e drogës janë vërtetuar tashmë prej disa kohësh, ndaj po përdorin Shqipërinë si vend pastrimi parash kryesisht në fushën e turizmit dhe pasurive të paluajtshme.

Madje, në artikull thuhet edhe se ky sistem sa vjen e perfeksionohet duke krijuar rreziqe të mëdha për ekonomitë e të dy vendeve.

Pjesë nga artikulli i plotë:

Pak më shumë se një muaj më parë (më 8 qershor 2022) autoritetet italiane vendosën njëmbëdhjetë masa paraprake në arrest shtëpie (pesë shtetas italianë, përfshirë pulianë dhe kalabrezë, dhe gjashtë shqiptarë) për veprat penale të prodhimit dhe shitjes së drogës, mbajtja e armëve.

Hetimet e koordinuara nga DDA Bari kanë konstatuar se grupet kriminale kanë zhvendosur prodhimin e drogës nga Shqipëria në krahinat e Barit dhe Foggia. Këtu u sekuestruan dy plantacione, të rritura në sera, të përbëra nga mbi tetë mijë bimë marijuanë, me peshë mbi një ton e gjysmë, nga të cilat do të ishte e mundur të merreshin mbi dhjetë mijë doza droge pasi të hidheshin në treg.

Hetimet u zhvilluan në territoret e Cerignola, Bisceglie, Bari dhe dokumentuan furnizimin në zonat Foggiano dhe Brindisi. Prokurori Antimafia i Tiranës bëri të mundur arrestimin e mbi njëqind personave (gjithnjë italianë dhe shqiptarë) dhe sekuestrimin e rreth gjashtë tonë drogë. Pas këtyre operacioneve, u konkludua edhe se grupet kriminale puliane dhe kalabreze përdorin Shqipërinë si bazë për pastrim parash. Nuk është për t'u habitur që të arrestuarit në këtë operacion të fundit policor përfshinin pulazë dhe kalabrezë dhe mediat shqiptare publikuan të dhëna që tregonin se këto banda mafioze po planifikonin të investonin paratë e tyre të paligjshme në vend, veçanërisht në turizëm dhe të pasurive të paluajtshme.

Marrëdhëniet e mafias puliane dhe kalabreze me ato shqiptare në fushën e drogës janë vërtetuar tashmë prej disa kohësh.

Përgjimet e kryera në Shqipëri do të nxirrnin në dritë korrupsionin në shkallë të gjerë të sferave më të larta të pushtetit. Është e pamundur të mos pranohet që dy mafiet nuk e përdorin Shqipërinë si një territor të përshtatshëm dhe të favorshëm për pastrim parash. Marrëdhëniet mes mafias puliane, kalabreze dhe shqiptare janë gjithnjë e më intensive duke pasur parasysh se tregjet e klaneve po zgjerohen çdo ditë që kalon.

Sistemi i ri i pastrimit të parave Shqipëri-Itali, Itali-Shqipëri po perfeksionohet duke krijuar rreziqe të mëdha për ekonomitë e të dy vendeve.