Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Megaoperacioni i Europol me 330 të arrestuar në 27 vende, përshirë Shqipërinë; sekuestrohet drogë dhe bllokohen emigrantë

Politiko 2 Tetor 2021, 15:44

Megaoperacioni i Europol me 330 të arrestuar në 27 vende,

Europol ka zhvilluar një operacion në shtete të ndryshe, ku bën pjesë dhe Shqipëria dhe ka arrestur 330 persona. Ky operacion përfshiu 27 vende (17 shtete anëtare të BE dhe 10 vende joanëtare) dhe u mbështet gjithashtu nga Eurojust, Frontex, INTERPOL dhe organizata të tjera ndërkombëtare.

Spanja, e mbështetur nga Europol, koordinoi ditët e përbashkëta të veprimit në mbarë Evropën, që synonin luftën kundër emigrimit të paligjshëm, drogës dhe armëve të zjarrit.

Aktivitetet operacionale u zhvilluan kryesisht në Evropën Juglindore, ndërsa vende të tjera morën pjesë, duke shkëmbyer inteligjencën dhe duke kryer veprime në nivel kombëtar.

Rreth 11 mijë oficerë policie u angazhuan në terren për arrestimin e 330 personave. Gjatë këtij operacioni janë kontrolluar 33.418 persona, 724 vende të ndryshme dhe 22.605 automjete.

Policia e Shtetit shqiptar bën me dije se janë konfiskuar 154 armë zjarri, 57 granata dore dhe eksplozivë, 2125 copë municione, mbi 700 kg kanabis dhe 920 bimë marijuanë.

Gjatë operacionit, policia shqiptare ka angazhuar 681 punonjës policie në terren dhe në kufi, puna e të cilëve ka çuar në arrestimin e 19 personave, procedimin e 18 të tjerëve dhe shpalljen në kërkim të një shtetasi, për krime të ndryshme si: prodhimi dhe shitja e narkotikëve, kalim të paligjshëm të kufirit, mbajtja pa leje e armëve dhe municioneve, falsifikim të dokumenteve.

Efektivët shqiptarë kanë sekuestruar armë zjarri, lëndë narkotike të llojit kokainë, heroninë e kanabis si dhe ka bllokuar 143 emigrantë të paligjshëm.

Të fundit