Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Joseph DioGuardi letër Nikollës: Shfuqizoni planin e Butrintit! Pse ja dorëzoni të huajve, kur keni kapacitete

Politiko 12 Maj 2022, 21:11

Joseph DioGuardi letër Nikollës: Shfuqizoni planin e Butrintit! Pse ja

Ish-anëtari i Dhomës së Përfaqësuesve të SHBA, Joseph DioGuardi, i ka dërguar një letër kryeparlamentares së Kuvendit Lindita Nikolla ku i kërkon që të respektojë detyrën kushtetuese dhe të nisin procedurat për rrëzimin e kontratës së nënëshkruar.

Në letrën drejtuar Nikollës, DioGuardi ngre pikëpyetje lidhur me ruajtjen dhe integritetin e Parkut Kombëtar të Butrintit, dhe nëse Fondacioni Shqiptaro-Amerikan i Zhvillimit (AADF) po vepron ose jo në shkelje të politikave të përcaktuara nga qeveria amerikane për menaxhimin kombëtare.

Nga ana tjetër, DioGuardi merr shembullin e menaxhimit të parqeve kombëtare në Amerikë, ku thekson se nuk ndërhyjnë fondacione private e as partnerë.

“Kam mendimin se këto zhvillime ngrenë pikëpyetje serioze për ruajtjen dhe integritetin e Butrintit, por edhe nëse një entitet i bazuar në SH.B.A., siç është Fondacioni Shqiptar – Amerikan i Zhvillimit, vepron në Shqipëri në shkelje të të politikave të qarta dhe të mirëpërcaktuara të qeverisë amerikane lidhur me menaxhimin e parqeve kombëtare.

Me të vërtetë, ju mund të keni dijeni se parqet tona shumë të vlerësuara në Amerikë menaxhohen ekskluzivisht dhe vetëm nga Shërbimi Kombëtar i Parqeve {National Park Service], një agjenci brenda Departamentit të Punëve të Brendshme të Qeverisë Amerikane. Në menaxhimin e tyre nuk përfshihen as fondacone private, as partneritete publike private, dhe as ndonjë model i ri apo “hybrid”. Përse, atëhere Qeveria Shqiptare, nën mveshjen dhe ndikimin e Fondacionit Shqiptar – Amerikan të Zhvillimit, është kaq e merakosur dhe e gatshme që të eksperimentojë një model të ri menaxhimi “hibrid” apo partneriteti privat publik?Unë kam ndërmend që këto probleme t’i ngre me agjencitë e duhura në Qeverinë Amerikane, si dhe me miqtë e mi në Kongresin Amerikan”, shkruan DioGuardi në letër.

Ish-anëtari i Dhomës së Parfaqësuesve hedh dyshime se Shqipëria ka mjaftueshëm burime ta menaxhojë vetë Butrintit, dhe jo t’ia dorëzojë një fondacioni të huaj.

“Së fundi, Shqipëria sivjet feston 110 vjetorin e Pavarësisë. Vallë a beson ndokush se Shqpëria nuk i ka kapacitetet dhe burimet për të menaxhuar vetë Butrintin, por në vend të kësaj, është e gatshme që t’ja dorëzojë menaxhimin një fondacioni privat, të frymëzuar, të krijuar dhe të kontrolluar nga një entitet i huaj, siç është Fondacioni Shqiptar – Amerikan i Zhvillimit?

Prandaj ju sugjeroj me respekt që: Të ushtroni detyrimin tuaj kushtetues dhe të nisni pa humbur kohë procedurat parlamentare për të shfuqizuar shtegun juridik të krijuar nga nenet 171-173 të Ligjit të Trashëgimisë Kulturore 27/2018 të Shqipërisë”, shkruan DioGuardi.

Joseph DioGuardi letër Nikollës: Shfuqizoni planin e Butrintit! Pse ja