Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Menaxhimi i mbetjeve nga qeveria, Instituti i Bashkive: Centralizimi do të shkatërrojë decentralizimin dhe i heqë zërin qytetarëve

Politiko 29 Gusht 2025, 14:39

Menaxhimi i mbetjeve nga qeveria, Instituti i Bashkive: Centralizimi do të

Instituti për Bashkitë Shqiptare ka reaguar pas propozimeve të qeverisë për reformimin e sistemit të menaxhimit të mbetjeve në vend.

Në një deklaratë publike, Instituti ka ngritur shqetësime serioze mbi rrezikun që paraqet centralizimi i këtij shërbimi.

Sipas tij, zgjidhja nuk qëndron në heqjen e kompetencave nga pushteti vendor.

Instituti thekson se menaxhimi i mbetjeve është një shërbim bazë, i lidhur drejtpërdrejt me jetën e përditshme të qytetarëve, dhe se nuk mund të shkëputet nga përgjegjësia e pushtetit vendor.

Reagimi:

Reagimi i Institutit për Bashkitë Shqiptare mbi reformën e menaxhimit të mbetjeve
Instituti për Bashkitë Shqiptare ndan shqetësimin për gjendjen e menaxhimit të mbetjeve dhe nevojën për përmbushjen e standardeve të BE-së në këtë fushë. Është e qartë se përmirësime rrënjësore duhen bërë, si në infrastrukturë, ashtu edhe në ndërgjegjësimin qytetar.

Megjithatë, propozimi për të kaluar menaxhimin e mbetjeve tek një operator kombëtar, duke reduktuar bashkitë në thjesht “klientë”, përbën një hap pas për decentralizimin dhe parimin e subsidiaritetit. Menaxhimi i mbetjeve është një shërbim bazik, i lidhur ngushtë me jetën e përditshme të qytetarëve, dhe nuk mund të shkëputet nga përgjegjësia e qeverisjes vendore.

Instituti thekson se problemi nuk zgjidhet me centralizim, por me forcimin e kapaciteteve të bashkive, financimin e qëndrueshëm, partneritetet publike-private dhe bashkëpunimin ndër-bashkiak. Vetëm kështu mund të ndërtohet një sistem i qëndrueshëm, ku qytetari ka zë dhe pushteti vendor mban përgjegjësi reale për shërbimet.

Në këtë kuadër, ne mbështesim reformën dhe përafrimin me standardet e BE-së, por kërkojmë që kjo të bëhet duke ruajtur dhe forcuar rolin e pushtetit vendor, e jo duke e zëvendësuar atë.

Instituti për Bashkitë Shqiptare mbështet reformat mjedisore dhe përafrimin me BE-në, por zhveshja e bashkive nga menaxhimi i mbetjeve është hap pas për decentralizimin. Zgjidhja nuk është centralizimi, por forcimi i kapaciteteve vendore dhe llogaridhënia afër qytetarit.

Të fundit