Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Mes tensioneve dhe ankthit të qeverisë, Kushtetuesja shqyrton të enjten çështjen Balluku

Politiko 2 Dhjetor 2025, 16:29

Mes tensioneve dhe ankthit të qeverisë, Kushtetuesja shqyrton të

Gjykata Kushtetuese do të zhvillojë të enjten, mbledhjen e gjyqtarëve për të diskutuar kërkesën e paraqitur nga qeveria lidhur me çështjen e Belinda Ballukut.

Në këtë mbledhje do të vendoset nëse kërkesa e Këshillit të Ministrave do të kalojë ose jo për shqyrtim të mëtejshëm nga Kushtetuesja.

Qeveria ka kundërshtuar masën e sigurisë së vendosur nga GJKKO ndaj zv/kryeministres dhe ministres Belinda Balluku, e cila u pezullua nga detyra në kuadër të një hetimi të nisur nga strukturat antikorrupsion.

Vendimi i së enjtes pritet me interes të lartë, pasi do të përcaktojë hapat e mëtejshëm procedurale për këtë çështje të rëndësishme institucionale.

Si nisi konflikti?

Kujtojmë se kryeministri Edi Rama ka dalë hapur në mbrojtje të Ballukut.

Në podcast-in e së dielës dhe në një dalje live të hënën, Rama argumentoi se pezullimi i një ministri nga gjykata cenon balancën e pushteteve, duke iu referuar sipas tij qëndrimeve të Komisionit të Venecias dhe Gjykatës Europiane të të Drejtave të Njeriut.

Ai e cilësoi masën e vendosur nga GJKKO si “absurde”, duke pretenduar se në Europë “nuk ka asnjë rast ku një gjykatë ka pezulluar një anëtar të qeverisë”. Sipas tij, ministrat janë autoritete politike, jo zyrtarë administrativë, dhe ndërhyrja e gjykatave përbën tejkalim te kompetencave nga gjyqësori.

Rama deklaroi gjithashtu se ka ankimuar vendimin në Kushtetuese në cilësinë e kryeministrit, për të mbrojtur “të drejtën ekskluzive të kryeministrit dhe parlamentit për përbërjen e qeverisë”, duke e përshkruar rastin si unik në nivel europian.

Nga ana tjetër, kryedemokrati Sali Berisha dhe opozita e akuzoi Ramën për presion të drejtpërdrejtë mbi Gjykatën Kushtetuese dhe shpërndarje të pavërtetash lidhur me qëndrimet e Venecias. Ai deklaroi se ministrat në vendet europiane janë pezulluar, shkarkuar ose kanë dhënë dorëheqje kur janë përballur me skandale. 

Megjithatë, mbetet për të parë cfarë qëndrimi do mbajë të enjten Gjykata Kushtetuese, e cila do të përcaktojë nëse do të nisë shqyrtimi i plotë i çështjes Balluku.

Të fundit