Meta kthen ligjin “Për karrierën ushtarake në FA”: Nxit idenë e gabuar se gjen punë dhe “pa shkollë”

Presidenti Ilir Meta rrëzon ligjin “Për karrierën ushtarake në FA”.

Sipas presidentit, ky ligj cenon meritokracinë dhe piramidën e drejtimit në Forcat e Armatosura.

“Përmirësoni trajtimin financiar të ushtarakëve, për të ndalur largimin e tyre nga vendi. I kujt është interesi që trupa jonë ushtarake bazë e Forcave të Armatosura të cenohet dhe të humbasë kredibilitetin e saj? Mos cenoni ecurinë në karrierë dhe fitimin e gradave të ushtarakëve, përmes ndërhyrjes së Qeverisë”, apelon Meta.

"Kuvendi i Republikës së Shqipërisë duhet të rishikojë këtë ndryshim, dhe të ruajë të pacenuar sigurinë juridike, duke përcaktuar në ligj kriteret e nevojshme për arsimim dhe kualifikim, me qëllim përparimin në gradë të ushtarakëve në Forcat e Armatosura sipas meritokracisë", thuhet në sqarimin e presidentit.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm