Flash News

Shpërthime të fuqishme në Tel Aviv dhe Jerusalem, Irani sulmon me mbi 100 raketa

Përfshihet nga flakët makina në Bulqizë, shpëton shoferi dhe pasagjerët

Zjarr në Berat, përfshihet nga flakët një sipërfaqe me shkurre

Emigranti shqiptar i nxori nga lumi, dy fëmijët nuk ia dalin dot, pësojnë vdekje klinike

SPAK do të paraqiste raportin dymujor për hetimet ndaj Veliajt, shtyhet seanca në GJKKO

E-TJERA

Meta për inceneratorët: U falsifikuan firmat e personave që s’jetojnë më, si mund të shmanget falimentimi i vendit

Politiko 12 Korrik 2022, 09:43

Meta për inceneratorët: U falsifikuan firmat e personave që

Presidenti Ilir Meta ka ngritur si shqetësim, të ashtëquajturën aferën e inceneratorëve. Përmes një postimi në rrjetet sociale, ai ndalet te përfshirja e identiteteve të personave që nuk jetojnë më.

“Ndërsa për të marrë pensionin u kërkohet pensionistëve që të paraqiten fizikisht për të provuar se janë gjallë, miliona euro të taksapaguesve tanë grabiten nga mafia e inceneratorëve me firma të falsifikuara të qytetarëve, që janë ndarë nga kjo botë prej 5 vitesh”, shkruan Meta.

Ky i fundit thotë se krimi dhe kapja e shtetit ka kapërcyer çdo imagjinatë. Për presidentin, zgjidhja e vetme është lufta e hapur kundër këtyre fenomeneve. Në të kundërt, sipas Metës, Shqipëria do të falimentojë.

Lëvizja Socialiste për Integrim, që dikur Meta e ka drejtuar, ka publikuar së fundmi disa dokumente, përmes të cilave pretendon se në këtë skemë janë të përfshirë të moshuar dje njerëz që nuk jetojnë më.

Postimi i Metës:

Krimi dhe kapja e shtetit ka kapërcyer çdo imagjinatë. Ndërsa për të marrë pensionin u kërkohet pensionistëve që të paraqiten fizikisht për të provuar se janë gjallë, miliona euro të taksapaguesve tanë grabiten nga mafia e inceneratorëve me firma të falsifikuara të qytetarëve, që janë ndarë nga kjo botë prej 5 vitesh. Vetëm lufta e hapur kundër kapjes së shtetit dhe korrupsionit parandalon falimentimin e Shqipërisë. Koha nuk pret më!

 

Të fundit