Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Meta pret kryetarin e Komunës së Bujanocit: Integrimi i shqiptarëve në administratë ndikon pozitivisht në marrëdhëniet Shqipëri-Serbi

Politiko 5 Nëntor 2020, 11:37

Meta pret kryetarin e Komunës së Bujanocit: Integrimi i

Presidenti Ilir Meta ka pritur në presidencë kryetarin e Komunës së Bujanocit, Nagip Arifin.

Përmes një statusi në Facebook, Meta shkruan se ka vlerësuar rolin e partive politike në Luginën e Preshevës duke përgëzuar shqiptarët për rezultatin e arritur në zgjedhjet e fundit në Serbi duke fituar tre deputetë.

Ndër të tjera, ai thotë se intregrimi i shqiptarëve në të gjitha nivelet e administratës qendrore dhe vendore ndikon pozitivisht edhe në marrëdhëniet midis Shqipërisë dhe Serbisë.

Statusi i plotë:

Me shumë kënaqësi prita në një takim vëllazëror kryetarin e Komunës së Bujanocit, z.Nagip Arifi.

Vlerësova rolin e partive politike shqiptare në Luginën e Preshevës dhe i përgëzova të gjithë shqiptarët për rezultatin e arritur në zgjedhjet e fundit të përgjithshme në Serbi, duke fituar tre deputetë.

U interesova për gjendjen shëndetësore të bashkëkombasve tanë në Luginë në përballje me pandeminë COVID-19.

Theksova se integrimi i plotë i shqiptarëve në të gjitha nivelet e administratës qendrore, por edhe në atë vendore, si dhe respektimi i të drejtave të tyre ndikon pozitivisht edhe në marrëdhëniet midis Shqipërisë dhe Serbisë.

Dërgova përshëndetjet më të ngrohta për të gjithë shqiptarët e Luginës, me të cilët mezi po pres të takohem sërish.

Të fundit