Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Meta reagon pas seancë në GJKKO: Asnjë çudi nga drejtësia me regji, jam superior përballë burracakëve

Politiko 27 Prill 2026, 13:54

Meta reagon pas seancë në GJKKO: Asnjë çudi nga

Ish-presidenti Ilir Meta ka reaguar ashpër pas përfundimit të seancës gjyqësore në GJKKO, duke akuzuar sistemin e drejtësisë për standarde të dyfishta dhe ndikim politik në proceset gjyqësore ndaj tij.

Në një reagim në rrjetet sociale, Meta e cilëson procesin si drejtësi me regji, duke pretenduar se nuk po respektohen standardet evropiane të gjykimit dhe të drejtat e njeriut.

Meta akuzon gjithashtu se procesi ndaj tij po shoqërohet me zvarritje seancash dhe ndikim të jashtëm në drejtësi, ndërsa thekson se e konsideron veten të ndëshkuar për qëndrimet e tij politike.

REAGIMI:

Asnjë çudi nga Drejtësia me Regji.

Edhe kur Shqipëria nuk ishte anëtare e Këshillit të Europës, funksionarët publikë gjykoheshin pranë avokatëve të tyre dhe çdo seancë gjykimi transmetohej live.

Por në drejtësinë e George Sorosit, të realizuar me angazhimin e ditur të Charles McGonigal dhe plot të tjerëve si ai, në vend që të respektohet Kushtetuta, Konventa Europiane për të Drejtat e Njeriut dhe thirrja e Komitetit Shqiptar të Helsinkit, shndërrohet në normë standardi i gjykimit të një terroristi në Francë dhe jo standardi i gjykimit të Presidentit të Francës, Sarkozi.

Madje drejtësia sorosiste nuk respekton as standardin e gjykimit të ish-Kryeministrit Nano dhe ish-funksionarëve të regjimit komunist, kur e theksoj, Shqipëria nuk ishte anëtare e Këshillit të Europës.
Loja e zvarritjeve të seancave, me sebepe nga më të ndryshmet, vazhdon nën dirigjimin e prokurorëve, të cilët dihet se kush i komandon.

Sidoqoftë, ka një “koherencë” të plotë, nga standardet e rrëmbimit tim më 21 tetor 2024 e deri te standardet e sotme të gjykimit, sepse për këtë regjim kukullash, të jesh patriot ne fakt do të thotë të jesh terrorist.

Jam krenar për patriotizmin tim dhe kjo më bën të pamposhtur dhe superior përballë burracakëve, që i shërbejnë bandës ndërkombëtare të George Sorosit dhe Kuislingut të tij në Tiranë, që ka nxjerrë në shitje çdo interes kombëtar.

Të fundit