Flash News

Nesër ditë zie në Kosovë, në nderim të policit të vrarë

Ja momenti kur gjendet i vrarë terroristi serb në veri të Kosovës

Dhunohet një efektiv i forcave ‘Shqiponja’ në Laprakë

Kishte planifikuar vrasjen e 3 personave, arrestohet 41-vjeçari në Pogradec

Të armatosur dhe të maskuar, Kurti nxjerr fotot e grupit që po sulmon Policinë e Kosovës

E-TJERA

“Mikeshë” e Çapjave, SPAK kërkon 4 vite burg për ish-gjyqtaren e Elbasanit

Politiko 2 Qershor 2023, 14:44

“Mikeshë” e Çapjave, SPAK kërkon 4 vite burg

SPAK ka kërkuar 4 vite burg për ish-gjyqtaren e Elbasanit, Zamira Vyshka.

Vyshka dhe avokati Ilir Pashaj, për të cilin është kërkuar 2 vite e 6 muaj burgim, u arrestuan më 22 korrik me urdhër të SPAK, nën akuzën e korrupsionit me një skemë që ulte dënimit kundrejt ryshfetit.

Xhulio Musaj, i dënuari për të cilin janë paguar lekët, ka qenë i dënuar për plagosje. Familjarët tentuan të korruptojnë ish-gjyqtaren duke i ofruar 2 milionë lekë përmes avokatit të tyre mbrojtës Ilir Pashaj.

Vyshka me marrjen e ryshfetit duhet të ndikonte për t’i ulur vitet e dënimit Musajt.

“Deklarimin fajtor të të pandehurës Zamira Vyshka për kryerjen e veprave penale të “Korrupsionit pasiv të gjyqtarit, prokurorit dhe funksionarëve të tjerë të drejtësisë”, parashikuar nga neni 319/s të Kodit Penal dhe dënimin e saj me 4 (katër) vjet burgim. Në aplikim te nenit 406 të K.Pr. Penale, dënimin përfundimisht me 2 (dy) vjet e 8 (tetë) muaj burgim.

Në aplikim të nenit 59 të K.Penal, pezullimin e ekzekutimit te vendimit me burgim dhe venien në provë te tij për një periudhë 2(dy) vjet, për pjesën e mbetur të dënimit. Në aplikim të nenit 35 të K. Penal “Heqjen e së drejtës për të ushtruar funksione publike”, për një periudhë 3 (tre) vjet.

Deklarimin fajtor të të pandehurit Ilir Pashaj për kryerjen e veprës penale të “Korrupsionit aktiv teë gjyqtarët, prokurorit dhe funksionareve të tjerë të drejtesisë”, në bashkepunim, parashikuar nga nenet 319 dhe 25 të Kodit Penal dhe dënimin e tij me 2 (dy) jet e 6(gjashtë) muaj burgim.

Në aplikim të nenit 406 të K.Pr. Penale dënimin e tij përfundimisht me 1 (një) vit e 8 (tetë muaj burgim. Në aplikim të nenit 35 te K. Penal “Heqjen e së drejtës për të ushtruar funksione publike”, për një periudhë 2 (dy) vjet”, thuhet në vendimin e SPAK.

Zamira Vyshka është një emër i lakuar në sistemin e drejtësisë. Ish-shefi i policisë rrugore Elbasan, Fadil Mema, para se të ekzekutohej në Itali në 2015, rrëfeu se gjyqtarja ishte mikeshë e grupit Çapja në Elbasan dhe se merrte vendime për llogari të tyre.

Ish-oficeri tha asokohe se Zamira Vyshka, me një dosje të falsifikuar, kishte shpallur të pafajshëm Sokol Çapjan, i akuzuar për një vrasje në vitin 1993.

Të fundit