Flash News

Tiranë/ Aksident në bulevardin 'Zhan D’Ark', plagoset një grua

Afera e inceneratorëve, SPAK nis hetimet ndaj Arben Ahmetajt

Si ka degraduar ligj-bërja në Kuvendin e Shqipërisë

Nën akuzë për 3 vepra penale, gjykata lë në burg Alda Klosin

Tërmeti tragjik, Turqia shpall gjendjen e emergjencës për 3 muaj në 10 qytete

E-TJERA

Çmimet e Bordit të Transparencës, konfindustria: Nxit kontrabandë, dëm mbi 300 mln euro/vit

Politiko 5 Dhjetor 2022, 09:10

Çmimet e Bordit të Transparencës, konfindustria: Nxit

Konfindustria ka reaguar rreth vendimmarrjes së Bordit të Transparencës me çmimin e karburanteve, e sidomos me atë të naftës.

Në një reagim, konfindustria shprehet e shqetësuar për vendimmarjen e bordit duke theksuar se nxisin kontrabandën masive. Sipas konfidustrisë, çmimi naftës sot duhej të ishte 200 lekë/litri nga 209 lekë/litri që e caktoi bordi dy ditë më parë.

Konfindustria shton se dëmi që i shkakton vendimmarrja e gabuar e bordit lidhur me çmimet mund të arrijë mbi 300 mln euro/vit.

Reagimi i konfidustrisë:

Konfindustria shpreh shqetësimin e përsëritur për mënyrën e vendimarrjeve të Bordit të Karburanteve, qartësisht në kundërshtim me interesin publik me çmimet më të larta në Rajon dhe kahjet e dukshme rënëse të tregjeve botërore. Çmimet e larta krahësimore dhe absolute të karburanteve janë me pasoja afatgjata shkatërrimtare për biznesin, qytetarët, ekonominë kombëtare si dhe nxisin kontrabandën masive, që mund të shkojë në mbi 300 milion euro/vit.

Shembull i qartë për sa më sipër janë vendimarrjet e javës së parë të muajit dhjetor 2022. Duke vlerësuar krahësimisht çmimet e tregjeve botërore me periudhën e fillimvitit, sot produkti “naftë” duhet të ishte të paktën nën nivelin e 200 lekë/litër nga 209 lekë/litër të vendosur nga Bordi.

Bien në sy vendimarrjet e menjëhershme të Bordit në rast të rritjes së çmimeve të karburanteve në tregjet botërore dhe tejzgjatja në kohë në rastin e rënies. Gjithashtu, rritjet e çmimeve në vlerë absolute janë shumë më të forta, sesa uljet përkatëse. Konkretisht, në vendimarrjet e fundit brenda dy ditësh Bordi rrit fillimisht çmimin e “naftës” me 8 lekë/litër dhe e uli me 5 lekë/ litër me rritje përfundimtare me 3 lekë/litër. Ndërkohë, çmimet e tregjeve botërore dhe rajonale janë në ulje të qartë.

Konfindustria ka kërkuar themelimin e Entit Rregullator të Karburanteve në varësi të Kuvendit të Shqipërisë dhe me përbërje të profesionistëve. Bordi i Karburanteve ka në përbërje antarë me konflikt të qartë interesi. Gjysma e antarëve vendimarrës janë pikërisht përfaqësues të subjekteve, që duhet të jene objekt kontrolli.

Të fundit