Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Çmimet nxjerrin me ‘fitim’ shtetin/ Konsumatorët paguan më shumë TVSH për naftën dhe produktet e shportës

Politiko 17 Mars 2022, 16:55

Çmimet nxjerrin me ‘fitim’ shtetin/ Konsumatorët paguan

Rritja e çmimit të naftës shënoi rekord në fillim të muajit mars duke kapur vlerën deri në 300 lekë/litër. Çmimi stratosferik i naftës u pasua me një rritje drastike edhe të çmimeve bazë të shportës.

Kjo rritje e menjëhershme e çmimeve ka furnizuar buxhetin e shtetit, pasi të ardhurat në dy mojrin e parë të vitit 2022 janëe rritur me 18 miliardë lekë, krahasuar me të njëjtën periudhë vitin e kaluar.

Një kontribut të ndjeshëm në rritjen e të ardhurave në buxhetin e shtetit e kanë dhënë TVSH-ja, si treguesi kryesor i rritjes së çmimeve për produktet.

Vetëm nga Tatimi mbi vlerën e Shtuar janë mbledhur rreth 29.6 miliardë lekë, apo 8 miliardë lekë më shumë se një vit më pare. Nga TVSH në import për 2 mujorin rezultojnë 20.5 miliardë lekë, 29.5 % më shumë se vitin e kaluar. Të ardhurat nga TVSH e arkëtuar (neto), u realizuan në masën 9.1 miliardë lekë, afro 56.8% më shumë se 2 mujori 2021, si dhe 24.4% më shumë se plani i TVSH për t’u arkëtuar në 2 mujorin 2022.

Rimbursimet për periudhën 2 mujore 2022 janë 1.7 miliardë.

Referuar të dhënave zyrtare nga Ministria e Financave, të ardhurat totale në dy mujor u realizuan në masën 87.6 miliardë lekë, ku të hyrat doganore  u regjistruan në vlerën 29.6 miliardë lekë, apo  5.8 miliardë lekë më shumë se 2 mujori 2021 dhe të ardhurat tatimore u realizuan në masën 47.3 miliardë lekë, 7.7 miliardë më shumë se e njëjta periudhë e një viti më parë.

Shpenzimet e përgjithshme publike, për muajin e dytë të vitit 2022, arritën në rreth 68.8 miliard  me një realizim në masën 86.7 përqind të planit të periudhës dhe 1.7 përqind më i ulët se një vit më parë. Niveli i suficitit për periudhën 2 mujore të vitit 2022 rezultoi në rreth 18.8 miliardë lek,  apo  19.3 miliard lek më i lartë se e njëjta periudhë e një viti më pare.

Burimi: SCAN TV

Të fundit