Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Çmimi i naftës/ Sa larg dhe pranë rajonit jemi?! RMV me çmimin 1,5 euro do ulë akcizën, në Kosovë shitet 1,7 euro

Politiko 9 Mars 2022, 16:47

Çmimi i naftës/ Sa larg dhe pranë rajonit jemi?! RMV me

Çmimet e karburanteve po regjistrojnë rritje nga dita në ditë në të gjithë botën. Në Shqipëri, nafta shitet me pakicë mesatarisht me 249 lekë për litër. Në Kosovë mesatarisht me 1,68 euro, ose e konvertuar me kursin e këmbimit të mërkurën me  rreth 215 lekë për litër. Në Maqedoninë e Veriut, me rreth 180 lekë për litër.

Vetëm një ditë më parë kryeministri Edi Rama përjashtoi çdo mundësi për ndërhyrje në taksa, çka është kërkuar prej disa ditësh nga ekspertët e ekonomisë, me qëllim lehtësimin e konsumatorëve. Por, si paraqitet situata në dy vendet fqinje?

Në kryeqytetin e Maqedonisë së Veriut një natë më parë janë krijuar radhë të gjata të makinave në pritje për t’u furnizuar me karburant. Mësohet se edhe në këtë vend, opozita ka reaguar ashpër për rritjen ekstreme të çmimeve të karburanteve dhe ka kërkuar nga Qeveria që të marrë masa urgjente për uljen e çmimeve, duke ndërhyrë në akcizë. Dhe duket se ekzekutivi i vendit fqinj do të reagojë. Qeveria e Maqedonisë së Veriut është duke u përgatitur që të enjten të shpallë dy masa të rëndësishme për zbutjen e çmimeve.

Në lojë është ulja e akcizës për karburantet, si dhe heqja e TVSH-së për disa produkte ushqimore, energjinë elektrike dhe ngrohjen.

Në Kosovë qeveria një javë më parë njoftoi se do të përcaktojë cmimet maksimale për naftë dhe derivatet e saj me qëllim mbrojtjen e konsumatorit nga lëvizjet e mëdha të cmimeve. Qeveria vendosi që të përcaktojë cmimet shitëse maksimale dhe marzhet tregtare me shumicë e pakicë, por sot kjo masë duket se nuk ka patur asnjë efekt, pasi çmimi i naftës u rrit me 8-10 cent për litër cdo ditë duke prekur nivelin rreth 1.7 euro për litër ose 215 lekë për litër.

Ulja e akcizës për karburantet, do të ishte 30 për qind, ndonëse po konsiderohen skenarë për ulje prej 10 dhe 20 për qind. Masa e dytë ka të bëjë me heqjen e tatimit mbi vlerën e shtuar (TVSH) për një listë specifike të kufizuar të produkteve ushqimore, si dhe për energjinë elektrike dhe ngrohjen./ SCAN

 

Të fundit