Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Minatori i Bulqizës nxjerr blof Nismën Thurje: U habita! S’jam kandidat për deputet, keqpërdorën foton time

Politiko 17 Mars 2021, 21:15

"Këtë helmetë që kam në kokë ja merrja shpesh tim ati sa herë që kthehej nga puna. Nuk e dija se çfarë vuajtjesh fshiheshin pas saj. Sot e kuptoj shumë mirë se çfarë do të thotë të jesh minator. Quhem Selim Lela, jam 26 vjeç dhe do të kandidojë për deputet në qarkun e Dibrës."

Kjo është një pjesë e një shkrimi të shkruar në vetën e parë dhe të postuar në faqen e Nismës Thurrje në rrjetet sociale. Kjo forcë e re politike që do të garojë në zgjedhjet parlamentare të 25 prillit prezantoi me anë të atij shkrimi shtetasin Selim Lala si kandidat për deputet në Qarkun e Dibrës, por kjo duket se është e pavërtetë.

Ka qenë vetë Selim Lela i cili përmes një postimi në rrjetet sociale thotë se vetëm mbrëmë mori vesh se do ishte kandidat, ndërkohë që thekson se Nisma Thurje ka keqpërdorur një foto të bërë nga ata gjatë një takimi për statusin e minatorit.

“Mbrëmë kam marrë vesh që qenkam kandidat për deputet nga Nisma Thurje. U habita shumë, se Nismën Thurje e kam takuar për çështjen e statusit të minatorit. Ata më kanë bërë një fotografi për këtë gjë, por kanë keqpërdorur besimin tim“-shkruan Lela.

Lela shton më tej se nuk është kandidat dhe i vetmi kandidat nga minatorët është Elton Debreshi.

“Unë nuk jam kandidat për deputet. Kandidati i pavarur i minatorëve është Elton Debreshi, të cilim e mbështesim dhe do të fitojë“-për fundon Selim Lala duke kërkuar më pas falje për keqkuptimin.

Minatori i Bulqizës nxjerr blof Nismën Thurje: U habita! S’jam

Postimi i plotë i Nismës Thurje:

Unë duhet të jem i varfër që Zamiri të jetojë gjithë jetën i pasur!
Këtë helmetë që kam në kokë ja merrja shpesh tim ati sa herë që kthehej nga puna. Nuk e dija se çfarë vuajtjesh fshiheshin pas saj. Sot e kuptoj shumë mirë se çfarë do të thotë të jesh minator. Quhem Selim Lela, jam 26 vjeç dhe do të kandidojë për deputet në qarkun e Dibrës. Kur isha i vogël kam shkuar pas babait tim në minierë. Nuk kisha ndonjë pasion të madh për atë punë por e ndihmoja sa mundesha për të siguruar disa të ardhura jetike në muaj. Ky profesion mu la trashgimi, e bashkë me të edhe sakrifica e përditëshme e të punuarit nën tokë.
Im atë do të ishte krenar që po vazhdoj profesionin e tij por ai as nuk më sheh e as nuk më dëgjon dot. Nuk më sheh sa i lodhur vij në shtëpi, nuk e dëgjon as klithmën time të përnatshme. Një aksident në minierë i kushtoi atij shikimin dhe dëgjimin. Punonte pa kushtet e nevojshme në galeri, ashtu sikundër po punoj edhe unë sot.
Vite më parë provova ta lë minierën. Vendosa të emigrojë për një punë dhe të ardhura më të mira. Nuk ja dola dot të përshtatesha. Provova sërish e sërish por prap rrugët më mbylleshin. Kështu që vendosa të kthehem në vendlindje dhe të përballem me të veten punë që mund të bëja.
Ashtu si unë, janë mijëra njerëz të tjerë që jetojnë, ecin dhe flenë mbi pasuri. Pasuri të jashtëzakonshme natyrore që po eksportohen çdo ditë me kampion. Tonelata mineralesh që shiten dhe paratë përfundojnë në xhepat e Lugatit. Të gjithë e njohim "Lugatin e Minierave", besoj se e njihni dhe ju. Jemi zotër të kësaj toke të bekuar por Lugati na ka kthyer në skllevër të saj. Dora e ngrohtë që i japin pushtetarës e Tiranës kthehet në kamzhik për ne, për familjet tona, për fëmijët tanë.
Unë e dua vendin tim, e dua Bulqizë, Dibrën dhe gjithë krahinën. Provova të largohesha por më vjen mirë që fati nuk deshi të jetojë në emigrim. Nëse të gjithë largohemi, nëse të gjithë heshtim, atëherë në malet tona do të ketë shumë lugetër, e jo vetëm një e dy. I di hallet e minarorëve, pasigurinë e tyre në punë, rrogat e tyre të ulta e mbi të gjitha sëmundjet e profesionit që nuk i lejojnë ta gëzojnë pensionin e moshën e pleqerisë. Ndaj kërkoj mbështetjen e të gjithë bashkëqytetarëve të mi, të bashkëkombasve të mi, që më 25 Prill unë të jem një prej 140 deputetëve në Parlament.
Së bashku me kolegët e Nisma Thurje, do të dërgojmë përpara 33 projektligje për të përmirësuar jetën e minatorit, fermerit, profesionistit të lirë, rinisë, pensionistëve e gjithë shqiptarëve. Duhet që të dobësojmë pushtetin e lugetërve dhe vendin tonë ta marrim ne, shqiptarët.
Boll më me kryetar partisë të lidhur me oligarkët. Boll më me poshtërim ekonomik e social. Familjet tona po vuajnë jetesën normale ndërsa Lugati e lugetërit jetojnë në vila luksoze dhe vjedhin pasurinë kombëtare. Forca i takon votuesit dhe ne do ta ndryshojmë këtë paradigmën se ky vend nuk bëhet dhe ky vend do të drejtohet nga të fortët.

Minatori i Bulqizës nxjerr blof Nismën Thurje: U habita! S’jam