Ministri britanik ngatërron Shqipërinë me Rumaninë

Mel Stride, Sekretari i Shtetit për Punën dhe Pensionet i qeverisë britanike ngatërroi Shqipërinë me Rumaninë gjatë një interviste për emigracionin në Radio 4.

Stride, u pyet në lidhje me zotimin e Rishi Sunak për të “ndaluar gomonet”.

Ai shpjegoi: Ajo që ne duhet të bëjmë është të përdorim një sërë masash që synojnë të thyejnë modelin. Modeli janë ato banda trafikimi që shpesh marrin shuma të konsiderueshme parash nga njerëzit që vijnë e kalojnë nëpër ngushticën e shkurtër të Doverit.

“Ne për shembull patëm një marrëveshje me Rumaninë, e cila tani do të thotë se duke i kthyer njerëzit menjëherë në Rumani, numri i rumunëve që vijnë këtu ka rënë”, ka qenë ngatërresa e ministrit.

Më pas i është vënë në dukje Stride nga prezantuesja se ai në fakt kishte parasysh Shqipërinë. Qeveria e Mbretërisë së Bashkuar ra dakord për një marrëveshje me vendin në një përpjekje për të ulur numrin e migracionit.

Stride u përgjigj: “Më falni, e kam fjalën për Shqipërinë; Ju kërkoj falje.”

Megjithatë, ai më pas bëri të njëjtin gabim përsëri pasi u pyet për reduktimin e numrit të njerëzve që vinin në MB me varka të vogla.

Ai tha se kishte një marrëveshje me Rumaninë para se të pengohej në fjalët e tij dhe t’i vinte në dukje edhe një herë nga prezantuesi se marrëveshja ishte në fakt me Shqipërinë.

Shumë në Tëitter ishin të shpejtë për të vënë në dukje gabimin duke thënë se intervista nuk ishte “shumë mbresëlënëse”, ndërsa një i dytë shtoi se ishte një “gabim i turpshëm”.

Ajo vjen pasi Qeveria e Mbretërisë së Bashkuar përballet me pengesa të mëtejshme ndërsa projektligji i saj i migracionit të paligjshëm kthehet në Komunë.

Deputetët do të votojnë të martën për ndryshimet e mbështetura nga Dhoma e Lordëve pasi projektligji pësoi 20 disfata në dhomën e sipërme.

Projektligji është thelbësor për zotimin e Rishi Sunak për të “ndaluar anijet” – një nga pesë angazhimet kryesore për udhëheqjen e tij.