Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ministria e Financave mban ‘peng’ tarifat, shoqëria koncesionare: Karburantet nuk duhet të kenë kosto shtesë

Politiko 20 Shkurt 2022, 15:14

Ministria e Financave mban ‘peng’ tarifat, shoqëria

Rritja e ndjeshme e çmimit të karburanteve, dhe kryesisht të naftës, ngjalli shumë pak reagime te qytetarët. Nafta shitet në pikat e karburanteve deri në 200 lekë / litër.

Shoqëria NOA Inspect, e cila ka në zbatim koncesionin nr. 15326 Prot., datë 21.08.2019 “Për shërbimin e kontrollit ligjor të Instrumenteve Matëse, nëpërmjet verifikimit të instrumenteve shpërndarëse të karburantit dhe gazit të lëngshëm”, të lidhur mes Ministrisë së Financave dhe Ekonomisë dhe shoqërisë mëmë NOA Control sh.p.k, ka sqaruar situatën me luhatjen e çmimit të karburanteve.

Sipas NOA Inspect, nuk ka një dyfishim nga ana e saj për tafirën e kontrollit të pompave në pikat e karburanteve. Në një deklaratë për mediet, shoqëria koncesionare thekson se “deri në momentin e dhënies me koncesion të shërbimit të kontrollit ligjor të instrumenteve matëse kanë paguar 6,000 Lekë për një verifikim të instrumentit matës, si dhe një tarifë tjetër që varionte në vlerat 8,000 – 14,000 Lekë për ofrimin e shërbimit të regjimit automatik”.

NOA Control sh.p.k dhe NOA Inspect sh.p.k, që prej datës 1 Korrik të vitit 2020 janë partner të kompanisë lider në Europë dhe e treta në botë në fushën e inspektimeve, DEKRA e.V (Deutscher Kraftfahrzeug Überëachungs-Verein e.V.), nga e cila marrin praktikat e inspektimit. Sipas shoqërisë koncesionare, praktikat kontrollohen nga qeveria shqiptare si edhe bëhen auditive çdo vit nga DEKRA e.V.

“Si rrjedhojë, tarifa e propozuar në Ministrinë e Financave dhe Ekonomisë është tarifë që përfshin këto dy shërbime si një i plotë dhe është më e ulët se tarifa me të cilën përballeshin pikat e karburanteve më përpara. Kjo nënkupton që pikat e karburanteve nuk do të kenë asnjë kosto shtesë nga ajo që paguanin më parë, përkundrazi sikurse dhe ato vetë janë në dijeni, po u ofrohet një shërbim me cilësi shumë të lartë dhe me kosto pothuaj të njëjtë (në mos më e ulët). Si rrjedhojë, kjo tarifë nuk do të rëndojë kurrsesi as konsumatorin final, përkundrazi ky i fundit do të jetë i sigurt për sasinë e karburantit që merr në pikat e karburanteve”, thuhet në deklaratën e NOA Inspect.

Sikurse thekson shoqëria koncesionare, ka një vonesë në miratimin e akteve nënligjore që lidhen edhe me Udhëzimin e Tarifave, çka nënkupton rishikimin e tarifave. Por megjithë kërkexsën e bërë nga NOA Inspect, ministria ende nuk e ka finalizuar procesin e miratimit, duke tejkaluar afatin 6-mujor që i ishte përcaktuar.

“Më tej, me hyrjen në fuqi të ndryshimeve të ligjit nr.126/2020 “Për metrologjinë”, Ministria e Financave dhe Ekonomisë duhet të përshtaste edhe aktet nënligjore derivat i këtij ligji brenda afatit 6 muaj pas hyrjes në fuqi të ligjit për metrologjinë (pra deri në Qershor 2021), ku një ndër këto akte nënligjore është edhe Udhëzimi i Tarifave nr.2, datë 08.02.2013. Pra rishikimi i Udhëzimit të Tarifave diktohet nga ndryshimet e Ligjit nr.126/2020 “Për Metrologjinë”. Por pavarësisht se jemi në muajin Shkurt të vitit 2022, procesi i miratimit të akteve nënligjore ende nuk është finalizuar, duke qënë në tejkalim të afateve kohore ligjore si dhe duke penguar Shoqërinë Koncesionare në realizimin e koncesionit në pajtueshmëri të plotë me kuadrin rregullator në fuqi”, thuhet ndër të tjera në deklaratë.