Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Miratohet akti normativ për ndryshime në buxhetin 2022, opozita kundërshton: Votohet pa u mbyllur diskutimet

Politiko 8 Shtator 2022, 19:31

Miratohet akti normativ për ndryshime në buxhetin 2022, opozita

Kuvendi ka miratuar aktin normativ për disa ndryshime dhe shtesa për buxhetin e vitit 2022 i ndryshuar me 71 pro dhe 38 kundër.

U miratua po ashtu edhe projektvendimi për zgjatjen e afatit për komisionin e Reformës Zgjedhore me 107 vota pro dhe 0 kundër.

Këto vendime kanë sjellë reagimin e disa prej deputetëve të opozitës, të cilët thanë se nuk u është dhënë koha e duhur për të diskutuar dhe se votimi u bë pa mbaruar diskutimet e të gjithë pjesëtarëve të Kuvendit.

Tritan Shehu: Po vazhdojnë të ndodhin gjëra të çuditshme në këtë parlament. Akoma pa mbaruar diskutimet ju votoni ligjin që doni të kaloni. Pse flasim ne këtu zonja kryetare. Ne japim argumente. Unë mund të jap argumente që zoti kryeministër mund të ndryshojë mendim për projektligjin. Ju thoni e kanë vendos kryetarët e grupeve. Edhe mund të jenë çmendur kryetarët e Grupeve . Ju takon ju të vendosni rregull dhe të mos lejoni veprime të tilla të antiparlamentarizmit këtu.

Luan Baçi: Ato që tha zoti Shehu absolutisht janë të vërtete por kemi dhe problemin tjetër se na bënë thirrje kryeministri që andej thotë nuk keni grup ju. S’jeni grup hajdeni këtej nga ne thotë. Dua t’i them boll keni ju, nuk ju mjaftojnë ata deputetë që keni. Ju duhet të merrni në shqyrtim edhe listën e deputetëve të Partisë Demokratike, jo listën që ka paraqitur ish-kryetari i Partisë dhe vazhdoni me atë

Taulant Balla: E para shprehja që nuk ndodh në asnjë Kuvend tjetër nuk ekziston. Ajo që po bën Shqipëria është që të ngjajë sado pak me të gjitha Kuvendet e vendeve të tjera. O Mondi po bërtit mo sa të duash, unë po flas, ti bërtet, edhe në dy sesione të kaluara të kësaj legjislature, kemi votuar me një orë fiks. Natyrshëm ka pasur kërkesë nga kolegët e Opozitës dhe është ngritur si shqetësim për votimin elektronik që natyrshëm është transparent.

Jorida Tabaku: Ne në mënyrë të përsëritur kemi kërkuar që të flasim me kolegët dhe jo me sallën bosh.

 

 

Të fundit