Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Mirëmbajtja e rrugëve, BB: Qeveria të plotësojë financimin e saj

Politiko 10 Dhjetor 2020, 08:38

Mirëmbajtja e rrugëve, BB: Qeveria të plotësojë

Projekti i nisur me mbështetjen e Bankës Botërore, i cili parashikon mirëmbajtjen në bazë të performancës, me kontrata 5-vjeçare të 1300 kilometrave rrugë, është vlerësuar me ecuri “të kënaqshme në mënyrë të moderuar”.

Në raportin e fundit të Bankës, e cila po mbështet këtë projekt me një financim 80 milionë dollarë, thuhet se pas amendimeve që ju bënë kontratave, punët civile kanë ecur mirë dhe shumica e punëve rehabilituese në vitet e para të kontratave janë kryer. Por teksa banka ka mbajtur fjalën e saj lidhur me financimin, duket se qeveria nuk ka përmbushur detyrimet për bashkëfinancimin e programit, ndaj ekipi i BB-së propozon zgjidhje.

“Ecuria e tanishme dhe ristrukturimi i marrëveshjes së kredisë japin besimin se projekti është në rrugë të mbarë për të arritur objektivat e projektit dhe treguesit e lidhur me disbursimin. Ekipi i Bankës vëren se financimi i papërshtatshëm i palës tjetër mund të adresohet përmes shpërndarjes së burimeve të Ministrisë së Infrastrukturës dhe Energjisë, midis programeve dhe projekteve, në përputhje me progresin e tyre përkatës” thuhet në dokument.

I njëjti raport sqaron se do të bëhet një vlerësim mbi ndikimet e projektit që me shumë gjasa do të plotësohet në qershor 2021 dhe do të drejtohet nga Autoriteti Rrugor Shqiptar dhe ekipi i specializuar i asistencës teknike.

Deri në rishikimin e fundit të projektit ishin disbursuar rreth 50 milionë euro apo 65% e fondit total. Projekti u bë efektiv më 25 shtator 2015 dhe mbyllet sipas datës së rishikuar, më 31 dhjetor 2021.

Mirëmbajtja e rrugëve, katër kontrata aktive

Kontratat e mirëmbajtjes në bazë të performancës janë një model që po mbështeten nga Banka Botërore. Në total përfshihet mirëmbajtja e 1334 kilometrave rrugë në gjithë vendin, përmes katër kontratave të lidhura me operatorët që kanë fituar garën gjatë procedurës së zhvilluar nga Autoriteti Rrugor Shqiptar.

E para, është kontrata A që përfshin Rajonin Verior Shkodër-Kukës, me gjatësi në kilometra 336 dhe me vlerë 21.2 milionë euro që është marrë nën menaxhim nga (JV) BIOLIAP A.T.E.V.E. & GECI LTD.

E dyta, është zona B që përfshin Rajonin Veri /Qendër/Lindje – Tiranë – Dibër me gjatësi 286 kilometra dhe me vlerë 19.6 milionë euro, e fituar edhe kjo nga (JV) BIOLIAP A.T.E.V.E. & GECI LTD.

E treta, zona C, përfshin rajonin Qendër/Jugor Lindje Fier-Elbasan – Korçë me gjatësi 419 kilometra, me vlerë 11.6 milionë euro dhe e lidhur me kompaninë Rawafed Al-torok Contracting Establishment.

E katërta zona D, rajoni jugor-Vlorë-Gjirokastër, me gjatësi 350 kilometra, me vlerë 13.7 milionë euro dhe operator fitues, Elicatechnical Commerce Societa & Salillari sh.p.k./ Monitor