Mirëmëngjes, Tiranë! Nga Astiri te “fabrika e miellit”, aty ku 5 minuta kthehen në 40 minuta

Mirëmëngjes Tiranë! Pamjet që shihni janë nga mëngjesi i të hënës së sotme, në intervalin rrugor Astir-Fabrika e Miellit.

Për banorët që nisen nga Astiri drejt qendrës apo vendndodhjeve të tjera , mëngjeset janë kthyer në ankth.

 Pika më problematike? Zona te fabrika e miellit, ku ndodhet edhe mbikalimi i ri që duhej të lehtësonte qarkullimin.

Në vend që të shkurtonte kohën e udhëtimit, projekti që u promovua si zgjidhje, duket se ka komplikuar edhe më shumë lëvizjen.

Ngushtimet e korsive dhe hyrje-daljet e ngatërruara kanë sjellë bllokime masive në orët e pikut.

Qytetarët rreth zonës së Astirit gjatë kësaj rruge hasin minimumin 30 minuta trafik cdo ditë të mundshme që qarkullojnë.

Dhe ndërsa Tirana rritet, zgjidhjet infrastrukturore që duhej të lehtësonin jetën, po e bëjnë më të vështirë.