Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Mjaft është mjaft”, sa nënshkrime ka mbledhur në 24 orët e para peticioni online ndaj Yuri Kim

Politiko 26 Prill 2022, 18:45

“Mjaft është mjaft”, sa nënshkrime ka mbledhur

Një peticion online ka nisur kundër ambasadores së Shteteve të Bashkuara, Yuri Kim.

Peticioni është krijuar në faqen e njohur change.org dhe titullohet “Enough is enough”, në shqip “Mjaft është mjaft!”.

Peticoni ka startuar dje dhe deri më tani, pra 24 orë pas publikimit e kanë nënshkruar më shumë se 5 mijë persona, sipas të cilëve ambasadorja Kim duhet t’u japë fund ndërhyrjeve “brutale në politikën e brendshme dhe institucionet shqiptare” dhe “t’i përmbahet statusit diplomatik”.

Në peticion thuhet se “Qëndrimet e Znj. Yuri Kim bien ndesh jo vetëm me statusin e saj diplomatik dhe nenin 41 të Konventës së Vjenës, por kanë cënuar fort aftësinë e vendit për të pasur një opozitë serioze ndaj një qeverie që vetë Departamenti Amerikan i Shtetit në raportet e veta, e klasifikon thellësisht të korruptuar. Intimidimi i vazhdueshëm ndaj forcave opozitare, ndërhyrja në procesin e tyre te votimeve te brendshme apo trysnia që i bëhet drejtësisë nga Znj. Kim janë shumë shqetësuese pasi minojnë demokracinë dhe rrezikojnë stabilitetin e vendit.”.

Në peticion ka edhe një kërkesë për DASH.

“Si qytetarë shqiptarë dhe miq të Shteteve të Bashkuara të Amerikës i kërkojmë Departamentit Amerikan te Shtetit që përfaqësuesja e SHBA në Shqiperi, Znj. Yuri Kim ti përmbahet statusit diplomatik dhe të ndalojë menjëherë ndërhyrjet brutale në politikën e brendshme dhe institucionet shqiptare!”.

Ambasadorja Kim është akuzuar edhe nga ish-kryeministri i Shqipërisë, Sali Berisha, për ndërhyrjet e saj në Gjyqësor lidhur me , por kjo e fundit ka reaguar duke thënë se “nëse inkurajimi i gjyqtarëve është ndërhyrje, SHBA-të do vazhdojnë ta bëjnë”.

Të fundit