Flash News

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Shpërthen në flakë automjeti te Komuna e Parisit

Krimet Zgjedhore/ Agjentët e BKH dhe Policia kontrolle në Shkodër

Arrestohen në Dubai 3 bashkëpunëtorë të Talo Çelës

E-TJERA

“Mjaft është mjaft!"/ Si e paralajmëroi në rrjet vrasjen Ylber Jaku, një ditë para krimit në Has

Politiko 7 Maj 2025, 18:46

“Mjaft është mjaft!"/ Si e paralajmëroi në rrjet

Një vrasje tronditëse ka ndodhur pasditen e sotme në fshatin Pla të Hasit, ku 41-vjeçari Ylber Jaku ka ekzekutuar me një plumb nga pushka 34-vjeçarin Ryshyt Sallahu, ndërsa ky i fundit ndodhej në automjetin e tij.

Ngjarja ka lidhje me një konflikt të gjatë për pronat mes dy familjeve, i cili kishte kulmuar dy ditë më parë me dhunimin e rëndë të prindërve të autorit. Motra e viktimës, 21-vjeçarja Artjola Sallahu, kishte dhunuar me sende të forta çiftin Agim Jaku (65) dhe Vera Jaku (60), duke i lënë të plagosur. Ajo u arrestua për “Plagosje të rëndë me dashje” dhe “Plagosje të lehtë me dashje”, ndërsa nëna e autorit vijon të jetë në kujdesin e mjekëve.

“Mjaft është mjaft!"/ Si e paralajmëroi në rrjet

Ndërkohë, vetëm një natë para krimit, Ylber Jaku kishte lënë një mesazh shqetësues në rrjetet sociale, i cili sot lexohet si paralajmërim i vrasjes. “Mjaft është Mjaft! Kur ju injoroni (drejtësinë), njerëzit nuk ju injorojnë ju!” – shkruante ai krahas një fotoje të tij.

Pas ekzekutimit, autori u kap dhe u arrestua nga policia, ndërsa iu sekuestrua edhe arma e krimit.

Raportohet se konflikti mes familjeve Jaku dhe Sallahu ka vijuar prej më shumë se një dekade dhe se janë bërë mbi 20 kallëzime në polici, kryesisht nga babai i autorit.

Hetimet për zbardhjen e plotë të rrethanave të kësaj ngjarjeje të rëndë vijojnë.

Të fundit