Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Mjekja shqiptare: Hantavirusi nuk është kërcënim i ri, rreziku shpesh është i ekzagjeruar

Politiko 12 Maj 2026, 09:59

Mjekja shqiptare: Hantavirusi nuk është kërcënim i ri,

Mjekja Aurora Dollenberg ka deklaruar se hantavirusi po trajtohet me një bujë të tepruar në media, duke theksuar se nuk bëhet fjalë për një virus të ri dhe as për një problem me rrezik të lartë në nivel popullsie.

Në një intervistë për Syri TV, mjekja e cila jeton dhe punon në Gjermani, tha se në shumicën dërrmuese të rasteve infektimi me hantavirus shfaqet me simptoma të lehta ose pa simptoma fare, ndërsa rastet me komplikacione nuk përbëjnë standardin.

Mjekja kujtoi se raste të raportuara me hantavirus kanë ekzistuar edhe më herët në Shqipëri, veçanërisht në zonat veriore dhe pyjore të vendit.

“Për fatin e mirë nuk vjen fare era pandemi. Edhe unë personalisht jam goxha e irrituar, që kaq shumë po bëhet bujë hantavirusi në kohën që nuk është as virus i ri, nuk është ndonjë problem aq i rrezikshëm siç transmetohet nëpër media. Pra, raste me komplikacione ka gjithmonë, por këto nuk janë standarte. 99% të pacientëve të cilët e kanë parë, kanë qenë pozitivë me hantavirus në anije kanë qenë me simptoma të lehta ose pa simptoma fare.

Siç mund ta imagjinoni, është një një virus i zakonshëm, si rezervuar normal tek minjtë dhe kontakti që ka njeriu me minjtë është gjithmonë i kufizuar, vetëm te profesione të caktuara si te bujqit, te fermerët, te ata që punojnë në pylltari. Madje edhe në Shqipëri në të kaluarën tonë kemi pasur raste të raportuara me hantavirus në pjesën e Shqipërisë veriore në pyje”, tha Dollenberg.

Sipas saj, rreziku rritet kryesisht në kushte higjieno-sanitare të dobëta, si grumbullimi i mbeturinave, prania e minjve dhe mungesa e pastrimit të rregullt urban.

“Të qëndrojmë larg ndotjes, minjve do ishte gjëja më e thjeshtë. Atë që faktikisht mund ta imagjinojmë secili prej nesh që kudo që kemi një mbipopullim me minj, me kanalet e ujërave të zeza, kemi mbeturina të cilat nuk hiqen çdo ditë siç është e parashikuar nga bashkia e qyteteve, por qëndrojnë aty disa ditë më gjatë, patjetër që kemi një rrezik për infeksione”, vijoi mjekja.

Të fundit