Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Mjeku: Avokati Mëngjesi në gjendje të rëndë, do presim dhe 72 orë, ka dëmtime në tru

Politiko 30 Maj 2024, 16:19

Mjeku: Avokati Mëngjesi në gjendje të rëndë, do presim

Shefi i Urgjencës së Traumës, Gjovalin Bushi ka treguar gjendjen shëndetësore aktuale të avokatit Sokol Mëngjesit, i cili u dhunua dje brutalisht nga tre persona në zonën e ish Bllokut.

Duke folur pëtr mediat, mjeku tha se avokati ndodhet ende në intubim dhe se orët në vijim janë vendimtare për gjendjen e tij. 

“Ndodhet në gjendje të rëndë. Duhet të presim dhe 72 orë për të parë reagimin e avokatit. Ka dëmtime të mëdha në kokë, por parametrat jetësorë i ka stabël. Është bërë një ndërhyrje nga neurokirurgu. Përveç dëmtimeve kockore, ai ka edhe dëmtime në tru.

Orët në vijim janë vendimtare. Është konstatuar që është një ulje të edemës. Në këto kushte nuk duhet të kryhet operimi, por duhet parë të paktën për 72 orë se si do të reagojë pacienti. Është në monitorim të vazhdueshëm, por deri tani nuk ka nevojë për një ndërhyrje kirurgjikale”, tha ndër të tjera Bushi.

Avokat Mëngjesi sapo kishte lënë fëmijën në kopësht, kur është ndalur nga dhunuesit, me të cilët mësohet se fillimisht ka debatuar, ndërsa më pas ata e kanë goditur. Njëri prej agresorëve mësohet ta ketë qëlluar disa herë pas koke. Avokati ka rënë nga forca e goditjeve dhe ka shembur më pas kokën në trotuar, duke mbetur pa ndjenja.

Sipas policisë, gjithshka lidhet me një proces gjyqësor, për pronat e një familjeje në Tiranë, e cila ishte përfaqësuar në gjykatë nga studio ligjore e avokatit Mëngjesi. Ndonëse gjyqi ishte fituar në dy shkallët e para të gjyqësorit, një pjesë e familjarëve kishte kundërshtuar tarifat e shërbimit të studios avokatore. Sipas policisë agresorët, të cilët kanë lidhje gjaku e krushqie me njëri tjetrin, i përkisnin këtij grupi që nuk ishte pajtuar të paguante studion e avokatisë për shërbimin e dhënë.

Të fundit