Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Molotov dhe përleshje me policinë, si paraqitet sot situata në zemër të Thethit

Politiko 15 Korrik 2025, 11:24

Molotov dhe përleshje me policinë, si paraqitet sot situata në

Aksioni i Inspektoratit Kombëtar të Mbrojtjes së Territorit (IKMT) për prishjen e ndërtimeve pa leje në Parkun Kombëtar të Thethit ka hyrë në javën e dytë, ndërsa përleshjet mes banorëve dhe policisë vazhdojnë ende.

Prej datës 8 korrik, IKMT ka vijuar shembjen e ndërtimeve të identifikuara si të paligjshme, ndërsa deri më sot janë shembur mbi 60 struktura, nga rreth 80 të evidentuara për prishje, shumica e të cilave shërbenin si bujtina dhe objekte turistike.

Ashtu si ditët e kaluara edhe këtë të martë fadromat kanë vijuar me shembjen e ndërtesave madje disa prej tyre janë shembur edhe me lëndë plasëse.

Pak minuta më parë një banesë është rrethuar nga tritoli me qëllim shembjen përmes një shpërthimi të telekomanduar me lëndë plasëse, ndërsa pronari i objektit ka pretenduar se ky është sipas tij një mesazh i koduar nga kryeministri Rama që “familjen tuaj ne duam ta fundosim”.

Ai shprehet i indinjuar për metodën e përdorur, duke thënë se vendimi për shkatërrimin e godinës është marrë me urdhër politik.

“Në Theth, që kur ka lindur Krishti, terror të tillë nuk ka parë. Nuk na ka njoftuar njeri për përdorimin e tritolit. Kjo shembet me një fadromë, por tritolin e përdorin për të treguar se këtë shtëpi duan ta fundosin. Vetëm se nuk duam Edi Ramën. Asnjë send tjetër nuk është këtu, i ka shokët e vet që i çojnë mesazhe ore e minutë, por ne nuk kemi problem as me të e as me oligarkët e tij. Kemi jetuar me djersën e ballit, nuk na ka zënë njeri në drogë, në vjedhje apo në poshtërsi. Duam të jetojmë me forcat tona në tokën tonë”, ka deklaruar pronari për mediat.

Molotov dhe përleshje me policinë, si paraqitet sot situata në

Bnesa e rrethuar me tritol

Ndërkohë po ditën e sotme në mbështetje të banorëve të Thethit kanë shkuar dhe burrat e Mirditës. Në një prononcim për mediat ata u shprehën se ky udhëtim nuk është thjesht simbolik, por një thirrje për ndërgjegjësim kombëtar dhe veprim konkret.

“Mirdita, ka qenë krah për krah me pjesën tjetër të Veriut në kohë vështirësish, sot rikonfirmon lidhjet e gjakut, të besës dhe të trashëgimisë kulturore me Dukagjinin. Mirdita nuk hesht. Mirdita qëndron krah Dukagjinit, në mbrojtje të jetës, dinjitetit dhe tokës që na rriti”, janë shprehur ata për mediat.

Burrat e Mirditës

Edhe pse aksioni është kundërshtuar masivisht nga banorët dhe është kritikuar gjerësisht në media autoritetet kanë vijuar me shembjet pasi sipas tyre objektet janë ndërtuar në kundërshtim me ligjin. Aksioni pritet të vijojë edhe në ditët në vazhdim, ndërsa situata mbetet e tensionuar, pasi banorët kanë paralajmëruar përshkallëzim të protestave.