Flash News

Qeveria bën gati kompleksin e kullave për administratën

SPAK nis hetimet ndaj oficeres së policisë, mori 1 mijë euro ryshfet për të pushuar një çështje penale

Hetimi i SPAK për identifikimin biometrik, Celibashi: Kam zero shqetësim

Posta e mëngjesit/ Me 2 rreshta: Çfarë pati rëndësi dje në Shqipëri

Çfarë fshihet poshtë urrejtjes së SPAK për trashëgiminë dhe bamirësinë?

E-TJERA

Morën peng 30-vjeçarin, Gjykata e Durrësit lë në burg 3 të arrestuarit

Politiko 30 Nëntor 2023, 16:57

Morën peng 30-vjeçarin, Gjykata e Durrësit lë në burg

Gjykata e Durrësit ka vendosur masën e sigurisë personale “arrest me burg” për tre autorët e pengmarrjes së Blerim Hankut.

Prokuroria tha se mbi shtetasit Iljaz Kotarja, Geri Cani dhe Jurgen Delia rëndojnë akuzat për veprat penale “Heqja e paligjshme e lirisë” dhe “Shtrëngimi me anë të kanosjes ose dhunës për dhënien e pasurisë”, të kryera në bashkëpunim.

Arrestimi i shtetasve u bë në kuadër të operacionit policor të koduar “Borxhi”, teksa ata po lëviznin në zonën e plazhit, në drejtim të Shkozetit, me një automjet.

Pengamarrja e 30-vjeçarit erdhi për shkak të një borxhi për veprimtari kriminale të kryer jashtë shtetit, në fushën e trafikimit të narkotikëve.

Blerim Hanku ishte marrë dhe mbajtur pa dëshirën e tij, në automjetin tip “BMW X5”, nga shtetasit Iljaz Kotarja 27 vjeç, banues në Paskuqan, Tiranë, Geri Cani, 26 vjeç dhe Jurgen Delia 29 vjeç, me banim në Durrës.

Këta tre shtetas po e kërcënonin shtetasin 30-vjecar për t’iu dhënë shumën 6 000 paund, të cilën shtetasi Iljaz Kotarja pretendonte se ia kishte detyrim për një çështje droge në kohën kur të dy këta shtetas kryenin dënimin për narkotikë, në shtetin britanik, në të njëjtën qeli burgu.

Mbi të arrestuarit rëndon akuza për veprat penale “Heqja e paligjshme e lirisë” dhe “Shtrëngimi me anë të kanosjes ose dhunës për dhënien e pasurisë”, të kryera në bashkëpunim.

Të fundit