Flash News

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

E-TJERA

Mori titull nga Rama, Florian Marku: Ka paragjykime, me thonë nuk e meriton

Politiko 27 Gusht 2022, 12:05

Mori titull nga Rama, Florian Marku: Ka paragjykime, me thonë nuk e meriton

Boksieri Florian Marku u nderua me nga kryeministri Edi Rama me titullin “Ylli i Madh i Mirënjohjes Publike”, pas fitores mbrëmjen e të enjten në stadiumin ‘Air Albania’ ku mposhti meksikanin Miguel Parra Ramirez, duke fituar marrë WBC Silver.

Në fjalën që mbajti, Marku foli për sfidat që ka kaluar që nga fëmijëria e tij për të arritur këtu suksesin, madje tha se ka ndeshur edhe në paragjykime.

“Faleminderit kryeministrit, kryebashkiakut, dhe Taulant Ballës që na ka përkrahur. S’di na t’ia nis, por kjo për mua është një ëndërr që është bërë realitet. Në karrierën time kam qenë gjithmonë realist edhe ashtu do ngelem.

Kam lindur në Lushnjë, në moshën 7 vjeç kam emigruar me familjen në Selanik ku nisa futbollin. Ndërrova sportin iu futa boksit. Unë nuk vij nga një familje e pasur, nëna ime ka punuar edhe pastruese por i kam thënë disa fjalë. Sa të kalojnë disa vite ti nuk ke për të punuar më kurrë dhe shyqyr zotit ajo nuk ka më nevojë.

Nuk është fat, këto të çarat në fytyrë janë të vogla. Se kam hedhur kurrë poshtë flamurin shqiptar. Kam pasur shumë opsione. Kisha një karrierë të suksesshme. Duart i kam operuar pesë herë.

Boksin e kam pasur gjithmonë ëndërr. Në Greqi nuk kam pasur letra, dhe e vetmja mundësi ishte kickboksi ku nuk na kontrollonin shumë. Në Angli kam shkuar rastësisht.

Një promotor më premtoi që do i kesh të gjitha gati, mora nusen dhe u nisëm në Angli, aty çdo gjë ishte mashtrim, nuk kisha asgjë gati. Më thanë do kesh shtëpi, makinë e palestër, por ishte mashtrim.

Në ndeshjen e parë dola me sukses, shqiptarët nuk më kanë zhgënjyer kurrë e kanë mbushur gjithmonë sallën. Kështu mu hapën rrugët e suksesit me shumë punë. Dua t’i them rinisë se në çdo fushë duhet shumë punë dhe sakrifica. Mua më paragjykojnë thonë ka fat, ose nuk e meriton. O meritoj unë o se meriton askush. Nuk e dini se çfarë kam kaluar në jetën time për të arritur këtu. Dashuria e madhe për të arritur këtu ku jam më ka bërë që kurrë mos të dorëzohem, këtë mesazh kam edhe për të rinjtë. Dita juaj do vijë, sic erdhi e imja. Jam shumë i lumtur që jam sot këtu”, u shpreh Marku.

Të fundit