“Jo me mua këto lojëra”/ Avokati i Metës debat me gazetaren: Po mbroni SPAK apo politikën?

Avokati i presidentit të PL, Ilir Metës, Kujtim Cakrani u përfshi në një debat me gazetaren e TCH, Anila Hoxha pasi Meta u mor zyrtarisht i pandehur nga SPAK.

Cakrani tha në "Top Story" se ndaj Metës është ngritur një kala e madhe baltë 30-vjeçare dhe se opinioni publik ka dëshirë të dëgjojë për politikanë të korruptuar.

Gjithashtu përmendja e një shtetaseje amerikane në dosjen e Ilir Metës i cili u mor i pandehur sot në SPAK, u kthye në çështje debati mes gazetares Anila Hoxha dhe avokatiti Cakrani.  Sipas avokatit ndaj Ilir Metës janë montuar prova dhe nuk ka asnjë fakt kundër tij.

Ndërkohë gazetarja Anila Hoxha iu drejtua duke i thënë që nuk është Altin Dumani dhe Arben Kraja dhe mbrojtjen avokati ta bëje në gjykatë.

Pjesë nga debati në studio:

Cakrani: Ndaj Metës është ngirutr një kala e madhe baltë 30-vjeçare. Opinioni publik ka dëshirë të dëgjojë për politikanë të korruptuar. Si do goditet kundërshtari politik nëse nuk i monton prova. Z.Meta me Kastriot Ismailin njihet që fëmijë. Çlidhje ka korrupsioni i Metës me CEZ-DiA. Kur është lidhur ajo kontratë Meta nuk ka qenë fare ministër i Ekonomisë. Përmendet një Rebeka. Kur është marrë nën hetim është përmendur një ish-kryeministër, nuk është folur për Metën. Ndaj z.Meta nuk ka asnjë fakt penal. Në rolin e tij si ish kryeministër nuk ka një shkresë.

Duma: Përmendet zonja Rebeka?

Hoxha: Jo, ndoshta…

Cakrani: E ke lexuar dosjen?

Hoxha: Nuk ke përballë një prokurore

Cakrani: Më gjeni një provë që Ismailaj i ka kryer një favor Metës. Jo nuk flitet kështu

Hoxha: Nuk jam Altin Dumani dhe Arben Kraja. Mbrojtjen bëje në gjykatë. Thash gjë unë që IliR Meta është fajtor? Thash gjë në emër të SPAK? Mbaj vendin si avokat pa akuzuar të tjerë. Le të ruajmë etikën. Fol si avokat me fakte. Këto ujërat politike dhe të avokatit mos i bëj me mua se po flas e balancuar. Nuk e pranoj këtë gjuhë avokati.

Cakrani: Ju po mbroni SPAK-un apo politikën? Kam ardhur t’i flas publikut se çfarë ka ndodhur me ish presidentin. Ndaj presidentit është ngritur një baltë e madhe qëllimisht nga politika.

Hoxha: Kë ke politikan në këtë studio.

Cakrani: Më gjykon mua publiku këtu

Hoxha: Avokati ka të drejtë. Çështjen e kë të fituar.

Cakrani: E di ti shumë mirë e ke lexuar dosjen.