Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Mos u dorëzoni kurrë"/ Yuri Kim thirrje shqiptarëve: Vazhdoni të kërkoni ndryshimin, zgjidhni shpresën mbi cinizmin

Politiko 25 Korrik 2021, 18:23

"Mos u dorëzoni kurrë"/ Yuri Kim thirrje shqiptarëve:

Ambasadorja e ShBA-së në Shqipëri, Yuri Kim këtë të dielë ka qenë e pranishme në Pustec të Korçës, ku ka ndjekur Festivalin Mik dhe ka postuar disa foto në rrjetet sociale. Diplomatja amerika shkruan se ishte magjepsëse të dëgjonte këngët popullore shqiptare të kënduara nga Ansambli "Zánat".

Në postimin e saj në rrjetet sociale, Yuri Kim ka rikthyer edhe njëherë vëmendjen në pyetjet e gazetarëve lidhur me Reformën në Drejtësi dhe të Ardhmen e Shqipërisë.

Ajo shkruan se edhe  pavarësisht “cinizmit të disave”, reforma në drejtësi po tregon gjithnjë e më shumë rezultate. Ajo shton më tej se është kritike tani që populli shqiptar të vazhdojë të kërkojë ndryshimin, të vazhdojë të ecë përpara së bashku, të mos dorëzohet kurrë.

"Le të vazhdojmë përpara së bashku. Le të vazhdojmë të zgjedhim shpresën (e cila kërkon shumë punë) mbi cinizmin (i cili për mendimin tim është dembel moralisht dhe intelektualisht)." shkruan ambasadorja amerikane në postimin e saj.

Postimi i plotë i Ambasadores: 

Ishte magjepsëse të dëgjoja këngë popullore shqiptare të kënduara nga Ansambli "Zánat" në Ishullin Maligrad. Faleminderit Festivalit Mik për bashkimin e artistëve dhe artdashësve. Pas performancës, disa gazetarë pyetën nëse kisha shpresë për Shqipërinë dhe çfarë mendoja për reformën në drejtësi dhe të ardhmen.

Unë u thashë atyre se kam shpresë të pafund në Shqipëri; që megjithë obstruksionizmin dhe cinizmin e disave, reforma në drejtësi po tregon gjithnjë e më shumë rezultate çdo ditë; dhe se është kritike tani që populli shqiptar të vazhdojë të kërkojë ndryshimin, të vazhdojë të ecë përpara së bashku, të mos dorëzohet kurrë. Unë kam pasur mundësinë të udhëtoj përreth Shqipërisë dhe të takoj shumë njerëz - nga veriu në jug, nga malet në bregdet. Bukuria e këtij vendi, forca dhe vendosmëria e njerëzve të tij janë frymëzuese. Le të vazhdojmë përpara së bashku. Le të vazhdojmë të zgjedhim shpresën (e cila kërkon shumë punë) mbi cinizmin (i cili për mendimin tim është dembel moralisht dhe intelektualisht). Le të vazhdojmë të ndërtojmë të ardhmen që Shqipëria meriton. Do të jetë punë e vështirë, por ne do të jetë me ju çdo hap deri në të fund.

 
 
 
 
 
View this post on Instagram
 
 
 
 
 
 
 
 
 
 
 

A post shared by Yuri Kim (@amb_yurikim)

Të fundit