Flash News

Veliaj shkarkon Anuela Ristanin, kë emëron si të deleguarën e tij

Aksident tragjik në Fushë-Prezë, humbin jetën 4 të rinj pas përplasjes me betonieren

Zelenskyy reagon pas telefonatës me Trump: Bisedë pozitive dhe e sinqertë

Përfundon telefonata me Zelenskyy-n, Trump: Jemi në rrugën e duhur

Zjarr në Lezhë/ Flakët kërcënojnë banesat pranë nënstacionit elektrik

E-TJERA

Moszbatimi i vendimit të Gjykatës Kushtetuese për mandatin e Olta Xhaçkës, Zaçaj: Situatë e pazakontë

Politiko 29 Mars 2024, 19:47

Moszbatimi i vendimit të Gjykatës Kushtetuese për mandatin e Olta

Kryetarja e Gjykatës Kushtetuese, Holta Zaçaj përsëriti se vendimet e Gjykatës Kushtetuese nuk mund të vihen në pikëpyetje në një shtet ligjor.

Në një intervistë për Zërin e Amerikës, Zaqaj iu referua moszbatimit të vendimeve të kësaj gjykate nga Kuvendi në lidhje me mandatin e deputetes së PS, Olta Xhaçka, duke e cilësuar një situatë e pazakontë në një shtet demokratik.

“Është vërtetë një situatë e pazakontë dhe e pamundur për të ndodhur në një shtet demokratik. Vendimet e Gjykatës Kushtetuese duhet të zbatohen dhe zbatimi i vendimeve të Gjykatës Kushtetuese përbën në fakt zbatimin e vetë Kushtetutës.

Fjalët janë të tepërta për të dhenë një mesazh më tepër. Çdo vendim duhet të zbatohet, nuk ka një rrugë tjetër, nuk ka një mekanizëm tjetër dhe arsyeja pse nuk ka një mekanizëm tjetër është sepse është e pamundur të imagjinohet që të mos zbatohen vendimet e Gjykatës Kushtetuese. Institucionet të cilat janë të ngarkuara për të zbatuar vendimet e Gjykatës Kushtetuese duhet të sillen në mënyrë kushtetuese”, tha Zaçaj në një intervistë për Zërin e Amerikës.

Ajo u pyet edhe për kritikat e opozitës se mban anën e qeverisë, siç ishte pakti Rama-Meloni, duke dhënë këtë koment: “Ne vlerësojmë shumë lirinë e shprehjes dhe të drejtën e fjalës, që është një nga liritë më të rëndësishme në Kushtetutë. Vendimi i gjykatës është ai që jepet dhe ne si gjyqtarë nuk komentojmë përtej saj. Patjetër pas çdo vendimi të gjykatë ka palë që mbeten të pakënaqura, siç ndodh në çdo vendimmarrje tjetër të çdo gjyqësori. Pjesën e mendimeve ndryshe ne e shohim si vlerë e lirisë së demokracisë në lidhje me zbatimin e të drejtës për t’u shprehur, por përtej saj vendimi i Gjykatës ka argumentet dhe nuk mund të komentojmë. Patjetër që respektojmë mendimin ndryshe, por si një mendim që i takon publikut. Gjykata vepron në mënyrë hermetike, kështu që pjesa tjetër sesi mendon publiku për një vendim gjykate e bazuar në kushtetutë është vetëm një arritje e të drejtës për t’u shprehur”, tha Zaqaj.

 

Të fundit