Moti i keq, përmbytje në Lezhë dhe Vlorë

Moti i keq me reshje të dendura të shiut ka sjellë problematika në disa prej qyteteve e zonave të Shqipërisë.

Raportohet se reshjet kanë sjellë probleme në bllokun e banimit “11 janari” të lagjes “Besëlidhja” në qytetin e Lezhës.

Vërshimi i ujit thuajse ka përmbytur totalisht këtë zonë duke bllokuar hyrjet e pallateve e sjell probleme në lëvizjen e qytetarëve dhe automjeteve.

Edhe në qytetin e Vlorës, reshjet e rëna gjatë 24 orëve të fundit kanë bërë që niveli i lumit Vjosë të rritet, duke dalë nga shtrati dhe duke përmbytur një pjesë të pazarit pranë urës së Mifolit në Vlorë.

E njëjta situatë paraqitet në Durrës, Fushë-Krujë e në  zona të tjera perëndimore të Shqipërisë.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm