Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

E-TJERA

“Mund të ishin vrarë njerëz”, banori rrëfen momentin e shpërthimit në Lushnje

Politiko 2 Mars 2024, 10:52

“Mund të ishin vrarë njerëz”, banori rrëfen

Banorët që jetojnë pranë zonës industriale në Lushnje ku ndodhi shpërthimi i fortë që shkaktoi dy viktima dhe 7 të plagosur, kanë rrëfyer tmerrin e përjetuar në momentin e ngjarjes.

Njëri nga banorët tregon se ka qenë duke folur me familjarët nëpërmjet internetit, kur ka ndodhur shpërthimi. Pas shkëputjes, ai tregon se është njoftuar për një shpërthim dhe menjëherë është nisur nga Greqia për në Lushnje.

“Isha në Greqi dhe mora haberin me anën e familjes që kishte ndodhur diçka e papritur në familjen time. U detyrova dhe erdha urgjentisht. Shyqyr Zotit kam mirë familjen. Kur erdha këtu pash që dëmet ishin të konsiderueshme. Sikurse e shikoni edhe vetë, unë nuk jam ekspert.

Haberin e para ma ka dhënë motra ime. Ishte këtu, ajo më njoftoi. U bë shkëputja e internetit, nuk kisha kontakte me familjen time. Kur erdha këtu, mirë që gjeta njerëzit jashtë. Xhama kudo, hekurat të hedhur sa andej këndej”, deklaron ai para kamerave.

Dëmet në banesën e tij janë të konsiderueshme. Xhama të thyer, dyer të rëna. Ai shton se me këto dëme, mund të ishin vrarë edhe njerëz.

“Me këtë gjendje që është shtëpia mund të kishte edhe njerëz të vrarë”, tha banori i zonës.

Të fundit