Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Mundësi edhe për shqiptarët, Gjermania kërkon emigrantë për të plotësuar fuqinë punëtore

Politiko 12 Janar 2022, 11:22
Mundësi edhe për shqiptarët, Gjermania kërkon emigrantë
Foto Ilustruese

Gjermania po përballet me një mungesë të theksuar të krahut të punës që rrezikon produktivitetin dhe tranzicionin e suksesshëm të energjisë.

Reuters raporton se ministri gjerman i Ekonomisë Robert Habeck, tha se nga 300 mijë vende pune të lira që janë aktualisht pritet që të arrijnë në 1 milion apo edhe më shumë.

"Ne kemi 300,000 vende pune sot dhe presim që kjo të rritet në një milion e më shumë," tha Habeck. "Nëse nuk e mbyllim atë hendek, do të kemi probleme reale të produktivitetit."

Ndër të tjera, ministri shtoi se nevojitet një rishikim i mundësive për të ofruar kombinim të trajnimeve dhe kualifikimeve për punëtorët.

"Natyrisht, kjo do të thotë një kombinim më i mirë i kualifikimeve, trajnimeve dhe mundësive për familjet dhe punët, por në Gjermani sigurisht është rritur edhe imigrimi, dhe në të gjitha fushat, për inxhinierët, zejtarët, kujdestarët. Ne duhet ta organizojmë këtë", tha Habeck.

Instituti Ekonomik Gjerman për punëdhënësit vlerëson se forca e punës do të tkurret me më shumë se 300,000 njerëz këtë vit pasi ka më shumë punëtorë të moshuar që dalin në pension sesa të rinj që hyjnë në tregun e punës.

Pas dekadave të niveleve të ulëta të lindjeve dhe imigrimit të pabarabartë, një fuqi punëtore në tkurrje paraqet një bombë demografike për sistemin publik të pensioneve të Gjermanisë, në të cilin më pak punonjës janë të ngarkuar me detyrën e financimit të pensioneve të një mase në rritje pensionistësh që gëzojnë jetëgjatësi më të gjatë.

Partitë qeverisëse ranë dakord në negociatat e tyre për koalicion për të ulur pengesat për punëtorët e kualifikuar nga jashtë dhe për ta bërë punën përsëri më tërheqëse me masa të ndryshme, duke përfshirë ngritjen e pagës minimale kombëtare në 12 euro (13,60 dollarë) në orë.

Të fundit