Flash News

E-TJERA

Murrizi zbardh detaje nga marrëveshja ‘sekrete’ me Pfizer: Çmimi i vaksinës është 12 dollarë, kontrata nuk lejon t’i drejtohesh gjykatës

Murrizi zbardh detaje nga marrëveshja ‘sekrete’ me Pfizer:
Kryetari i Partisë Lëvizja Demokratike Shqiptare, Myslim Murrizi

Kryetari i Partisë Lëvizja Demokratike Shqiptare, Myslim Murrizi ka zbardhur detaje mbi marrëveshjen sekrete që qeveria shqiptare ka nënshkruar me kompaninë amerikane Pfizer.

Në një interviste për Fax News, Murrizi thotë se pas vëzhgimit që i ka bërë kontratës, ka zbuluar se shtetit shqiptar i duhet të pranojë të gjitha kushtet e vendosura nga Pfizer dhe nëse prodhuesi nuk i qëndron kontratës, blerësi nuk mund t’i drejtohet gjykatës për të fituar të drejtat.

Murrizi zbuloi dhe çmimin e vaksinës, ku sipas tij në marrëveshjen e nënshkruar një dozë e vaksinës kushton rreth 12 dollarë.

“Dje nuk kam qenë i informuar, sot jam i informuar plotësisht dhe kam parë të gjithë kontratën me Pfizer e cila u ratifikua ditën e djeshme në parlament pasi është nënshkruar nga qeveria shqiptare. Habitem që një material i tillë të trumbetohet nga qeveria kaq “Top Secret”, është një material kofidencial i thjeshtë.

Kam parë detajimin me faza të kontratës, zgjatshmërinë e afatit deri kur, çmimin e vaksinës, përgjegjësitë që merr kompania Pfizer në lidhje me këtë marrëveshje si dhe përgjegjësitë që merr qeveria shqiptare. Kam parë dhe analizuar për rreth 1 orë materialin e konsideruar konfidencial është një material nënshtrues me aq sa unë e pashë palën shqiptare. Kjo kërkohet nga kompania Pfizer për arsye komerciale për të mos publikuar detaje nga kjo kontratë.

Është një kontratë përulëse pasi pala shqiptare merr të gjithë përgjegjësinë nga aty ku do të merret, pra merr përsipër transportin, garancinë, shpërndarjen dhe ruajtjen e vaksinave. Nëse pala prodhuese nuk i qëndron kontratës, kontrata nuk lejon që pala blerëse t’i drejtohet gjykatës.

Kapari i dhënë nga qeveria shqiptare është 50% dhe nuk është si në rastet e kontratave të tjera ku kapari është nga 10% deri në 30%. Çmimi i vaksinës është rreth 12 dollarë”, tha Murrizi.

Ditari politik

Të fundit