“Na kërkojnë para nga institucionet”, qytetari i denoncon në sy Ramës korrupsionin me legalizimin

Teksa fliste për projektin e ri tek ish-Uzina e Autotraktorëve, kryeminsitri Edi Rama u përball me një qytetarët i cili i shprehu hapur korrupsionin që ndodh me procesin e legalizimit.

Ai iu drejtua Ramës duke i thënë se zyrtarë shtetërorë i kanë kërkuar para për të ndërtuar një pjesë godine.

“Përshëndetje. Quhet Izmur Noka, jam banues i njësisë numër 1. Nuk jemi në rregull. Kosto çdo gjë. Makina cop cop. Ndoshta jam jashtë teme, por dua t'i them ty. Uji po të vish këto në orën 7 shkon lum në rrugë. Une nuk kam ardh këtu të them për legalizimet, sepse i kam bërë vetë, më kupton besoj si e kam bërë. Unë kam ardhur këtu të them për rrugën, sepse po bëjmë makinat copa. Dhe diçka të fundit: një gjë të vogël që do të bësh, bie fjala një kosh pulash, të vijnë këto institucione dhe të kërkojnë para, por jo zbatimin e ligjit”, u shpreh qytetari.

Rama nuk e pranoi këtë denoncim të qytetarit duke i kërkuar të flasë me emra konkret, e më pas e akuzoi se e ka sjellë Partia Demokratike.

DEBATI:

Rama- Hajde me mua, shkojmë së bashku të denoncojmë njeriun që i ke dhënë lekët. Jo me diskutime koti!

Qytetari- Unë nuk jam as i majtë dhe as i djathtë. Të jap votën nëse më bën rrugën!

Rama- Nuk kemi ardhur për vota këtu, por hajde t’i vëmë emër personit që fole aty. Ose gënjeve! Vëri emër!

Qytetari- Nëse unë nuk hyj më në gropa rruge, të jap votën...!

Rama- Do vish me mua... Ta denoncojmë! Do tregosh personin që i ke dhënë lekët! Kjo teoria se dhashë lekë dhe pastaj jo si gjithë të tjerët... Sepse nuk e ke të vërtetë, se gënjeve, për të bërë politikë me mua.

Qytetari-Nuk më intereson fare e majta e djathta, kush më bën punën i jap votën. Është e vërtëtë japin edhe sot lekë.

Rama- Lerë atëherë, por sot, sot, po je burrë hajde me mua! Kam parë shumë si puna jote unë, që flasin dhe pastaj... (bën me shenjë ikjeje) Hajde me mua, të thashë, vëri emër, jo llafe kot.

(qytetari vijon nga distanca të flasë)

Rama- Ik se na lodhe tani, vëri emër personit... (i përgjigjet qytetarit nga distanca teksa ai vijon dhe flet)!

Por qytetari vijoi nga distanca ‘këmbënguljen e tij’, por pa pranuar që të shkonte të tregonte emrin.

Qytetari-Pasha zotin o kreministër, pasha Zotin...