Nafta më e shtrenjta në rajon: Shqiptarët paguajnë 2.5 herë më shumë taksa se Kosova dhe RMV

Çmimet e naftës dhe benzinës në Shqipëri janë më të shtrenjta se në vendet e Evropës dhe rajonit ballkanik.

Një litër naftë më 31 gusht në Shqipëri tregtohej me 248 lekë/litër, për t’u ulur në mesditë me 9 lekë. Në Maqedoninë e Veriut në të njëjtën ditë një litër naftë shitej 193 lekë/litër, ose 55 lekë më lirë se në Shqipëri. Edhe në Kosovë nafta shitej më pak duke u tregtuar me205 lekë/litër.

Luigj Aliaj, nga Shoqata e Shoqërive të Hidrokarbureve, tregon për Monitor se diferenca në çmim lidhet me taksën më të lartë që paguan Shqipëria për naftën.

Me një përllogaritje të bërë për përcaktimin e çmimit për datën 30 gusht, treguesi Platts ishte i njëjtë për të treja vendet. Platts u ble me 1200 dollarë për ton për naftën dhe 1000 dollarë për ton për benzinën. Densiteti i produkteve është i njëjtë: një ton naftë =1118 litër dhe 1 ton benzinë me 1340 litër/ ton.

Për të dalë në çmime të krahasueshme, çmimet janë llogaritur në lekë (1 euro këmbëhet me 117 lekë dhe 61 dinar maqedonas).

Kosova

Në Kosovë, po dje u pagua gjithsej taksë

Nafta:

Akcizë 0.36 euro litër

TVSH 18% 0.26 euro litër

Taksa gjithsej 0.62 euro për një litër, ose 72.5 lekë

Benzina:

0.385 euro akcizë

TVSH 18% 0.24

Taksa gjithsej 0.62 euro litri, ose 73 lekë për litër.

Maqedonia e Veriut

Nafta:

-Akcizë 15.5 dinarë për litër, 0.254 euro

-Taksë mjedisi 0.3 dinarë litri, 0.05 euro

-Taksë mbi stokun 0.3 dinarë litri, 0.05 euro

-TVSH 18% 0.24 euro/litër

-Gjithsej 0.5 euro litër ose 58.5 lekë për litër

Benzina

-22 dinarë litri akcizë, 0.36 euro

-Mbi stokun 0.89 denarë, ose 0.015 euro

-Për ambientin 0.8 denarë, ose 0.013 euro

-Tvsh 18% 0.23 euro

-Gjithsej 0.59 euro, ose 69.3 lekë.

Në Shqipëri

Nafta:

-Akcizë 38.2 lekë

-Taksë karboni 3 lekë

-Taksë qarkullimi 27 lekë

-Tvsh 20% 41.3 lekë

-Taksë, markimi, skanimi, kolaudimi pompave dhe gjithë taksat lokale (rilicencimi, trualli, ndërtesa, reklama) 10 lekë për litër

-Total 119.5 lekë për një litër naftë.

Benzina:

-Akcizë 38.2 lekë

-Karbon 1.5

Qarkullim 27

-Tvsh 33.5

-Dhe të tjera 8.5

-Total, 108.7 lekë për litër.

Nga përpilimi i të dhënave rezulton se Shqipëria paguan taksa 47 lekë dhe 36.5 lekë për litër përkatësisht për naftën dhe benzinën më shumë sesa në Kosovë. Në Maqedoninë e Veriut paguhet përkatësisht për naftën dhe benzinë 61 dhe 39.4 lekë më shumë.

Nëse zbritet diferenca në taksa, në Shqipëri nafta e tregtuar me 248 lekë do të ishte shitur me 187 lekë, nga 193 që tregtohej në Maqedoninë e Veriut.